Баъзида оддий белгилар орқали ҳам тана қандайдир ёрдамга муҳтож эканлигини тахмин қилиш мумкин. Масалан, юришдаги кичик ноқулайликлар, терининг кўриниши, соч рангида ўзгаришлар юз берганда, албатта, шифокорга мурожаат қилиш кераклиги кўпчиликка маълум. Аммо саломатликнинг яна бир параметри – бу ётоқ. Инсон умрининг учдан бир қисми уйқуда ўтади. Шунинг учун ҳам ёпинчиқ ва ёстиқ ёрдамида бир қанча муаммоларни олдиндан билиб олиш мумкин.
Ёстиқдаги доғлар
Вақти-вақти билан ҳар бир киши эрталаб уйғонганида ёстиғида сўлак доғларини кўриши мумкин. Тунда сўлак оқиши мушаклар бўшашганида рўй берадиган нормал ҳолат ҳисобланади. Агар у тез-тез кузатилаётган бўлса, демак бу яхши эмас. Бундай вақтда шифокор билан маслаҳатлашишни ортга сурмаслик керак. Бу неврологик, юқумли ва аутоиммун касалликнинг дастлабки белгиси бўлиши ҳам мумкин.
Нам ёстиқ
Эрталаб уйғонганда ёстиқ намлиги сезиларли даражада бўлса, аёл кишида менопауза даври бошланаётганидан дарак беради. Унинг энг кенг тарқалган аломатларидан бири – бу тунда қизиб кетишдир. Аёл гормонлари – эстроген даражасининг пасайиб кетиши туфайли организмнинг терморегуляцияси ўзгаради, тана янги шароитга мослашишга ҳаракат қилади. Иссиқлик тўлқинлари эса кеча-ю кундуз инсонни тинчлантирмайди. Бунинг давомийлиги ҳаммада турлича бўлиб, ҳафтада бир ёки икки марта безовта қилиши мумкин. Мазкур ҳолат мунтазам кузатилса, гинеколог-эндокринолог билан боғланиш зарур.
Ёстиқдаги сочлар
Одатда инсон кунига саксонга яқин соч толасини йўқотади. Бу миқдор мавсум ва умумий ҳолатга қараб ўзгариши мумкин. Соч тўкилишининг кескин кўпайиши оғир стрессга, парҳезнинг ўзгаришига, танадаги гормонал ўзгаришларга жавоб бўлиши мумкин. Аммо ёстиқда тобора соч толалари ортаётган бўлса, албатта, қалқонсимон безни текширувдан ўтказиш керак. Чунки гипотиреоз ҳолатида қалқонсимон без жуда оз миқдорда ўзига хос гормонларни ишлаб чиқаради, натижада кечалари соч тўкилиш ҳолати фаоллашади.
Ёстиқ баландлиги меъёрда бўлмаса
Аниқроғи – жуда баланд. Ёстиғини баланд қилиб ухлайдиганлар эндокринологга мурожаат қилишлари мумкин. Гастроэзофагиал рефлюкс касаллиги ривожланганда ошқозон кислотаси қизилўнгачга кўтарилиб, шиллиқ қаватни безовта қилади. Бу, айниқса, уйқуда орқа томони билан ёца ёки бош қисми бир хил баландликда бўлса, тез-тез содир бўлади. Кислота қизилўнгачга киради ва шиллиқ қаватни яллиғлантиради. Натижада жиғилдон қайнаши кузатилади, ёстиқни баландроқ қилиш ва ярим ўтирган ҳолатда қулайликка эришишга ҳаракат бошланади. Агар баланд ёстиқда ухлайдиганлар бўлса, ошқозон-ичак трактини текширтириши лозим.
Изоҳ (0)