Футбол бўйича Европа Чемпионлар Лигасининг нимчорак финалидан ўрин олган «Барселона» ва ПСЖ ўртасидаги баҳс 16 февраль, сешанба куни бўлиб ўтди.
Учрашувнинг 27-дақиқасида Лионель Месси пенальтидан тўп киритиб, жамоасини олдинга олиб чиқди. Орада 5 дақиқа ўтиб Килиан Мбаппе ҳисобни тенглаштирди. Биринчи бўлимнинг қолган вақтида дарвозаларга тўп киритилмади.
Беллашувнинг 65-дақиқасида Мбаппе дублни расмийлаштирди. 5 дақиқа ўтиб Мойзе Кин парижликларнинг 3-голини киритди. 85-дақиқага келиб Мбаппе ҳет-трик қайд этди ва ҳисобни йирик кўринишга олиб келди.
Шу тариқа «Камп Ноу»да ўтган биринчи учрашувда Маурисио Почеттино жамоасининг қўли баланд келди. Ушбу жамоаларнинг жавоб учрашуви 11 март куни Парижда бўлиб ўтади.
ЕЧЛ
1/8 финал, илк баҳс
16 февраль, сешанба
«Барселона» Испания —ПСЖ Франция 1:4
Голлар: 1:0 – 27, пенальти Месси, 1:1 – 32 Мбаппе, 1:2 – 65 Мбаппе, 1:3 – 70 Кин, 1:4 – 85 Мбаппе.
«Барселона»: тер Штеген, Дест (Мингеса, 71), Лангле, Альба, Пике (Пуч, 78), Бускетс (Пьянич, 78), де Йонг, Педри (Тринкау, 78), Дембеле, Месси, Гризманн (Брэйтуэйт, 85).
ПСЖ: Навас, Курзава, Кимпембе, Флоренци (Керер, 89), Маркиньос, Верратти (Дракслер, 73), Паредес, Гуйе (Эррера, 46), Икарди, Кин (Данилу Перейра, 85), Мбаппе.
Огоҳлантириш: Гуйе (20).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)