Futbol bo‘yicha Yevropa Chempionlar Ligasining nimchorak finalidan o‘rin olgan “Barselona” va PSJ o‘rtasidagi bahs 16-fevral, seshanba kuni bo‘lib o‘tdi.
Uchrashuvning 27-daqiqasida Lionel Messi penaltidan to‘p kiritib, jamoasini oldinga olib chiqdi. Orada 5 daqiqa o‘tib Kilian Mbappe hisobni tenglashtirdi. Birinchi bo‘limning qolgan vaqtida darvozalarga to‘p kiritilmadi.
Bellashuvning 65-daqiqasida Mbappe dublni rasmiylashtirdi. 5 daqiqa o‘tib Moyze Kin parijliklarning 3-golini kiritdi. 85-daqiqaga kelib Mbappe het-trik qayd etdi va hisobni yirik ko‘rinishga olib keldi.
Shu tariqa “Kamp Nou”da o‘tgan birinchi uchrashuvda Maurisio Pochettino jamoasining qo‘li baland keldi. Ushbu jamoalarning javob uchrashuvi 11-mart kuni Parijda bo‘lib o‘tadi.
YChL
1/8 final, ilk bahs
16-fevral, seshanba
“Barselona” Ispaniya —PSJ Fransiya 1:4
Gollar: 1:0 – 27, penalti Messi, 1:1 – 32 Mbappe, 1:2 – 65 Mbappe, 1:3 – 70 Kin, 1:4 – 85 Mbappe.
“Barselona”: ter Shtegen, Dest (Mingesa, 71), Langle, Alba, Pike (Puch, 78), Buskets (Pyanich, 78), de Yong, Pedri (Trinkau, 78), Dembele, Messi, Grizmann (Breytueyt, 85).
PSJ: Navas, Kurzava, Kimpembe, Florensi (Kerer, 89), Markinyos, Verratti (Draksler, 73), Paredes, Guye (Errera, 46), Ikardi, Kin (Danilu Pereyra, 85), Mbappe.
Ogohlantirish: Guye (20).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)