Футбол бўйича Европа Чемпионлар Лигасининг 1/8 финали илк ўйинида «Лейпциг» ва «Ливерпуль» жамоалари 16 февраль, сешанба куни ўзаро тўқнаш келди.
Учрашувнинг биринчи бўлимида дарвозалар дахлсиз қолди. Иккинчи бўлим дебютида инглизлар кетма-кет икки бор дарвозани ишғол қилди. Аввалига «Лейпциг» сардори Марсель Забитцернинг ҳимоядаги хато узатмасидан сўнг Муҳаммад Салоҳ ҳисобни очди.
Бироз вақт ўтиб Садио Мане рақибнинг ҳимоядаги навбатдаги хатосидан унумли фойдаланди. Қолган вақтда ҳисоб ўзгармади.
Шу тариқа «қизиллар» жавоб ўйини олдидан яхши имкониятга эга бўлди.
ЕЧЛ
1/8 финал, илк баҳс
16 февраль, сешанба
«Лейпциг» Германия — «Ливерпуль» Англия 0:2
Голлар: 0:1 – 53 Салоҳ, 0:2 – 58 Мане.«Лейпциг»: Гулачи, Мукиеле (Орбан, 64), Клостерманн, Анхелинё, Упамекано, Нкунку, Кампл (Ҳван Ҳи Чан, 73), Олмо, Айдара (Поульсен, 64), Адамс, Забитцер.
«Ливерпуль»: Алиссон, Робертсон, Кабак, Александер-Арнольд, Ҳендерсон, Вейналдум, Жонс, Мане, Тиаго Алькантара (Окслейд-Чемберлен, 72), Салоҳ (Уильямс, 90), Фирмино (Шакири, 72).
Огоҳлантиришлар: Айдара (5), Мукиеле (6), Нкунку (52), Анхелинё (65), Кабак (68), Олмо (76), Ҳендерсон (81).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)