Президент Шавкат Мирзиёев 11 февраль куни «Давлат активларини хусусийлаштириш жараёнларини янада жадаллаштириш тўғрисида»ги фармонни имзолади. Ҳужжат билан 2021 йилнинг апрель ойида давлат улуши сотувга қўйиладиган 18 та корхона рўйхати тасдиқланган, деб хабар беради «Gazeta.uz».
Компанияларнинг деярли барчаси акциядорлик жамияти ҳисобланади:
- «Кварц» — 89,5 фоиз;
- «Трест-12» — 51 фоиз;
- «Ўзбеккимёмаш» — 44,7 фоиз;
- «Жиззах Пластмасса» — 85,8 фоиз;
- Қўқон механика заводи — 64,1 фоиз;
- Фарғона нефтни қайта ишлаш заводи — 100 фоиз;
- «Кафолат» — 49,3 фоиз;
- «Тошкентвино» — 51,8 фоиз;
- «Ўзбекистон шампани» — 51 фоиз;
- Ховренко номидаги Самарқанд вино комбинати — 71,2 фоиз;
- «Қибрай шароб илмий-экспериментал корхонаси» — 100 фоиз;
- «Урганч шароб» — 60,3 фоиз;
- Нукус вино заводи — 51 фоиз;
- «Шаҳрисабз вино-ароқ» — 51 фоиз;
- «Сирдарё вино» — 51 фоиз;
- «Конвин» — 51 фоиз;
- «Мастона» — 51 фоиз;
- «Электр қишлоқ қурилиш» — 53,4 фоиз.
10 февраль куни Президент бош вазир ўринбосари Жамшид Қўчқоров ва Давлат активларини бошқариш агентлиги директори Акмалхон Ортиқовга давлат улуши мавжуд корхоналарни хусусийлаштириш жараёнини тезлаштириш бўйича топшириқ берганди.
Фарғона нефтни қайта ишлаш заводини хусусийлаштириш йўлида яна бир уриниш
Ўзбекистон Президентининг 2019 йил 10 апрелдаги қарорига кўра (ҳозирга амалда), Индонезиянинг RТ Тrans Asia Resources компанияси «Ўзнефтмаҳсулот»нинг Фарғона нефтни қайта ишлаш заводида 100 фоиз давлат улушини 16 миллион доллар миқдорида бошланғич тўловини амалга ошириши орқали олиши керак эди. Вазирлар Маҳкамасининг 25 апрелдаги қарори билан (у ҳам ҳамон кучда) давлат улушини амалга ошириш шартлари эълон қилинган, жумладан, Фарғона нефтни қайта ишлаш заводи айланма маблағлари учун камида 120 миллион доллар жалб этиш белгиланган. Бундан ташқари, ўзбекистонлик Аъзам ва Омон Аслановлар заводни модернизацияси ва келажакда ривожлантиришга оид режалари билан бўлишганди.
Бироқ Давлат активларини бошқариш агентлиги маълумотларига кўра, Фарғона нефтни қайта ишлаш заводини Jizzakh Petroleum ҚК МЧЖ ишончли бошқарувига бериш бўйича қарор қабул қилинган. Jizzakh Petroleum қўшма корхонаси «Ўзбекнефтгаз» ва Gas Project Development Central Asia томонидан 2017 йил июнда яратилган. Лойиҳа кўра, устав капиталидаги иштирокчилар улушини «Ўзбекнефтгаз» улушининг 60 фоиздан 30 фоизгача пасайиши ва хорижий муассислар улушини 40 фоиздан 70 фоизгача ўсиши билан қайта тақсимланди.
Июнь ойида муассислар таркиби қуйидагича: Кипрдан Belvor Holding Limited (68 фоиз), «Ўзбекнефтгаз» (30 фоиз) ва Gas Project Development Central Asia (2 фоиз), ҳозирда «Ўзбекнефтгаз» ва Belvor Holding Limited ўртасидаги улуш 49 фоиз бўлиб тақсимланган.
Аввалроқ Фарғона нефтни қайта ишлаш заводи дизель ёқилғиси нархларини пасайтиргани маълум қилинганди. Шунингдек, Фарғонада 2023 йилдан бошлаб Аи-92 бензин ва «Евро-5» стандартидаги дизель ишлаб чиқарилиши ҳақида хабар берилганди.
Изоҳ (0)