Бугун,

  • USD 11095.31
  • RUB 173.84
  • EUR 10772.44

Нукус шаҳри Татибаев кўчаси бўйида қурилаётган кўп қаватли турар жой биносида камчиликлар аниқланиб, бинонинг деворлари қайта тиклаш учун бузиб ташланди. Бу ҳақда Қорақалпоғистон Республикаси Қурилиш вазирлиги ахборот хизматига таяниб, ЎзА хабар берди.

Фото: ЎзА

Фото: ЎзА

Маълум қилинишича, мазкур объектнинг лойиҳа ҳужжатлари «Арх энерго проект» МЧЖ томонидан ишлаб чиқилган, қурувчи эса «Нукус Шахзода Афруз» МЧЖ. Қурилаётган 5 қаватли кўп зонали турар жой биносининг қурилиш-монтаж ишларидаги камчиликларни Қорақалпоғистон Республикаси Қурилиш соҳасида назорат инспекцияси аниқлаган.

«Аниқланган камчиликларни бартараф қилиш мақсадида бинода олиб борилаётган қурилиш-монтаж ишлари тўхтатилиб, турар жой биносининг деворлари қайта тиклаш учун бузилмоқда», — дейилади хабарда.

Аввалроқ маҳаллий интернет нашрларда ва ижтимоий тармоқларда «Шаҳарда янги қурилаётган кўп қаватли турар жой биносининг 3—4-қаватлари қулаб тушганга ўхшайди. Бинонинг қулаб тушган қисми мато билан ёпиб қўйилган. Қулаб тушган темир бетон плиталари юк машинасида ташиб кетилмоқда» деган хабар тарқалганди.

Эслатиб ўтамиз, 10 январь куни Жиззах шаҳрида янги қурилаётган кўп қаватли уйнинг бир қисми қулаб тушган эди. ФВВ ва Бош прокуратуранинг қайд этишича, воқеа оқибатида тан жароҳати олган ва ҳалок бўлган фуқаролар бўлмаган. 4 февраль куни эса Бухоро шаҳри, Ислом Каримов кўчасида жойлашган 9 қаватли уйнинг 3-қаватидаги хонадонда газ сизиб чиқиши натижасида портлаш юз берган ва оқибатда 12 киши жароҳат олганди.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
Марказий банк раисининг крипто-активлар бўйича маълумоти рад этилди