ПСЖ ҳужумчиси Неймар Франция Кубоги 1/32 финали доирасида «Кан»га қарши кечган баҳсда (1:0) жароҳат олди.
Бразилиялик футболчи чап оёғи мушакларини шикастлаб олган. Тикланиш жараёни тахминан тўрт ҳафта вақт олиши айтилмоқда.
Шу тариқа Неймар Европа Чемпионлар Лигаси 1/8 финал илк баҳси доирасидаги «Барселона»га қарши ўйинни ўтказиб юборади. Катта эҳтимол билан Неймар собиқ жамоасига қарши кечадиган 10 март кунги жавоб ўйинида ҳам қатнаша олмайди.
ПСЖ «Барселона» билан 16 февраль, сешанба куни ўзаро баҳс юритади. Учрашув Тошкент вақти билан 17 февралга ўтар кечаси 01:00 да бошланади.
Неймар Лига 1 2020/21 йилги мавсумида 11 ўйин ўтказиб олтита гол ва учта голли узатма муаллифига айланди.
Эслатиб ўтамиз, ПСЖнинг яна бир етакчиси Анхель ди Мария жароҳат сабаб сафдан чиққан.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)