Футбол бўйича Ўзбекистон терма жамоаси 12 февраль, жума куни БААнинг Дубай шаҳрида Россиянинг «Зенит» клубига қарши назорат учрашуви ўтказди.
Учрашувнинг 17-дақиқасида Андрей Мостовой питерликларни олдинга олиб чиқди. Иккинчи бўлимда Ўзбекистон терма жамоаси дарвозаси яна учта бор ишғол этилди.
52-дақиқада Станислав Крапухин жамоасининг иккинчи голини урган бўлса, 68-дақиқада Мостовой дублни нишонлаган ҳолда ҳисобни йирик кўринишга олиб келди. 80-дақиқада Данил Шамкин якуний ҳисобни ўрнатди — 0:4
Учрашув «Зенит» сўровига кўра ёпиқ мақомда бўлиб ўтди.
Назорат учрашуви
12 февраль, жума
Ўзбекистон — «Зенит» (Россия) 0:4
Голлар: 0:1 – 17 Мостовой, 0:2 – 52 Крапухин, 0:3 – 68 Мостовой, 0:4 – 80 Шамкин.Ўзбекистон: Абдувоҳид Неъматов, Ҳожиакбар Алижонов (Мурод Холмуҳаммедов, 62), Ислом Тўхтахўжаев, Ислом Қобилов (Игор Голбан, 76), Фарруҳ Сайфиев, Лутфулла Тўраев (Акмал Мозговой, 36), Одилжон Ҳамробеков (Нурилло Тўхтасинов, 71), Санжар Қодирқулов, Вагиз Галиулин (Азиз Турғунбоев, 36), Ойбек Бозоров (Ҳожимат Эркинов, 36), Темурхўжа Абдухолиқов (Миржаҳон Мираҳмадов, 62).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)