Мутлақ енгил вазн тоифаси ҳаракат қилувчи UFC жангчиси Зарруҳ Адашев (3-3) промоушендаги учинчи жангини Райан Беноитга (10-7) қарши ўтказади. Бу ҳақда Адашев ўз Instagram саҳифаси орқали маълум қилди.
Жанг 9 май кунги UFC кечасида бўлиб ўтади.
Ўзбекистонлик яккакурашчи 20 январь куни бўлиб ўтган UFC кечасида хитойлик Су Мудаэржига (14-4) ютқазиб қўйди. Ундан аввал Адашев UFC’даги дебют жангини Тайсон Немга қарши ўтказган ва 32-сониядаёқ нокаутга учраганди.
31 ёшли Беноит ҳам сўнгги икки жангини мағлубият билан якунлаган. Бу жанг ҳар икки спортчи учун муҳим саналади. Катта эҳтимол билан ютқазган жангчи промоушенни тарк этиши мумкин.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)