IXBT хитойлик манбаларига таяниб, Xiaomi Mi 11 Prо ва Мi 11 Prо+ смартфонларининг батафсил техник тавсифи ва нархларини эълон қилди.
Маълумотларга кўра, Xiaomi Mi 11 Prо 2K сифат ҳамда тасвирнинг 120 герцли янгиланиш частотасига эга 6,81 дюймли дисплей ва Snapdragon 888 процессорига эга бўлади. Асосий камера сифатида тасвирни оптик барқарорлаштирувчи 50 мегапикселли Samsung GN2, 48 мегапикселли Sony IМХ586/598 ва 5 карра оптик зумга эга яна бир 48 мегапикселли Sony IМХ 586 ўрнатилади. Фронтал камера эса 20 мегапикселни ташкил этади.
Аккумулятор сиғими 500 мА/соат бўлиб, 67 ваттли симли ва симсиз қувватланишни қўллаб-қувватлайди. Шунингдек, NFC, экран остидан ўрин оладиган бармоқ изи сканери, Wi-Fi 6R, Bluetooth 5.2, IK-порт ва Harman/Kardon динамиклари ҳам мавжуд. 8/256 гигабайтли базавий версия нархи 775 долларни, 12/256 гигабайтли версияси эса 835 долларни ташкил этади.
Xiaomi Mi 11 Prо+ ҳам худди шу каби дисплей, бир кристалли Snapdragon 888, шунингдек, асосий камераси юқоридагидек бўлган датчикларга эга бўлади. Улар орасидаги фарқ 10 каррали оптик зум ва 2 каррали оптик зумга эга қўшимча 12 мегапикселли модулда. Фронтал камераси эса 32 мегапикселга тенг бўлади.
Аккумулятор сиғими 5000 мА/соатга тенг бўлиб, 120 ваттли симли ва 67 ваттли симсиз қувватланиш функциясига эга. Телефон IP68 стандарти бўйича ҳимояланади.
Мазкур моделнинг 8/256 ва 12/256 гигабайтли версиялари мос равишда 865 ва 930 доллар атрофида бўлади.
Изоҳ (0)