Ярим ўрта вазн тоифасида UFC жангчиси Нейт Диас енгил вазн чемпиони Ҳабиб Нурмагомедовнинг фаолиятини якунлаш ҳақидаги қарорига ўз муносабатини билдирди.
Бу у томонидан амалга оширилган ақлли юриш эди, чунки у жанг қилишни ёқтирмайди. Шунинг учун мен енгил вазн тоифасида жанг қилмоқчи эмасман: шу ҳам чемпионми? Агар жанг қилишни хоҳласа, нега қочиб кетди? У ўзини бошқалардан устун деб билгани учунми?Эслатиб ўтамиз, 2020 йилнинг 24 октябрь куни бўлиб ўтган UFC 254 асосий жангида Ҳабиб Нурмагомедов ва Жастин Гэтжи ўзаро тўқнаш келди. Унда россиялик спортчи иккинчи раундда рақибига бўғиш усулини қўллаб ғалаба қозонди. Жангдан кейин Ҳабиб фаолиятини якунлашини маълум қилганди.У шундай деди ҳам. Худди дўсти Даниэль Кормье сингари. У билан боғланиб, қандай бўлмағур нарсаларни гапираётганини сўраш лозим.
Мен ҳам бу нарсалардан устунман. Ҳозир Ҳабиб шундай деб ўйламоқда: «Осон йўлини топганим қандай яхши бўлди». Мен ҳам кетдим, чунки бу ерда қиладиган ишнинг ўзи йўқ эди.
Бу ерда ягона фарқ шундаки, менга Конор билан реванш жангини таклиф қилишди ва мен бунга рози бўлдим, чунки қўрқоқ эмасман. Катта эҳтимол билан Ҳабиб қайтади. У фақат қайтишини ёлвориб сўрашларини кутмоқда.
Нейт Диас, UFC жангчиси
Маълумот учун, Диас шу вақтга қадар 32 та жанг ўтказиб, 20 та ғалабага эришган ва 11 та мағлубиятни қабул қилиб олган. У 2016 йил 5 мартида Конор Макгрегор устидан ғалаба қозонган. Реванш жангида эса Конор ҳакамлар қарорига кўра Диасни мағлуб этганди.
Мавзуга доир:
- UFC президенти Ҳабиб Нурмагомедов қайтмайдиган бўлса, енгил вазн чемпионлиги учун кимлар жанг қилишини айтди
- Жастин Гэтжи: «Айни вақтда UFC ва бутун дунёда Ҳабибни енга оладиган жангчи йўқ»
- Майкл Чендлер: «Ҳабиб, қайтишни хоҳласанг, мен шу ердаман»
- Дастин Порье: «Ҳабиб қайтмайдиган бўлса, у ҳолда мен чемпионман»
Изоҳ (0)