Туркия парламенти икки ҳафта давомида жониворлар ҳуқуқини ҳимоя қилувчи қонун лойиҳасини кўриб чиқишни режалаштирган. Бу ҳақда Hurriyet хабар берди.
Меъёрий низом ҳайвонларга нисбатан шафқатсизлик учун қамоқ жазосини назарда тутади. Хусусан, қотиллик учун тўрт йилгача озодликдан маҳрум қилиниш, ҳайвонларни қийноққа солиш ва шафқатсизлик учун уч йилга қамалиш мумкин.
Шунингдек, қонун лойиҳасида ҳайвонга бошпана берган одам уни ҳаёти давомида парвариш қилиш мажбуриятини олиши белгиланган. Агар эгаси уй ҳайвонини кўчага ҳайдаб юборса, 500 лира (тахминан, 70 доллар) миқдорида жаримага тортилади. Бундан ташқари, кўчадан боқиб олинган ҳар қандай уй ҳайвони рўйхатдан ўтказилиши лозим, уларга чип ва идентификацион рақам берилади.
Қонун лойиҳасида уй ҳайвонлари сонини чеклаш ҳам кўзда тутилган. Хусусан, ҳар бир хонадонга учтагача ит боқишга рухсат берилиши мумкин. Мушуклар сони бўйича аниқ маълумот берилмаган.
Туркия Адолат ва тараққиёт партияси депутати Ўзлем Зенгиннинг айтишича, яқин уч-тўрт йил ичида мамлакатда уйсиз итларни стерилизация қилиш кампаниясини бошлаш керак, акс ҳолда уларнинг сони 60 миллионга етади.
Изоҳ (0)