Фарғона вилояти ҳокими Хайрулла Бозоровнинг биринчи ўринбосари Мирзоҳид Убайдуллаев Фарғона шаҳрига янги ҳоким этиб тайинланди, дея хабар берди «Дарё» мухбири.
Таъкидланишича, бугун, 9 февраль куни халқ депутатлари Фарғона шаҳар Кенгашининг навбатдан ташқари сессияси бўлиб ўтган. Унда ташкилий масала кўрилиб, Мирзоҳид Муродилович Убайдуллаев Фарғона шаҳар ҳокими этиб тайинланган.
Мирзоҳид Убайдуллаев 2020 йилнинг 4 апрелидан ушбу тайинловга қадар вилоят ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — вилоят иқтисодий тараққиёт ва камбағалликни қисқартириш бош бошқармаси бошлиғи вазифасида фаолият юритган. Ундан аввал эса Марғилон шаҳрига ҳокимлик қилган.
Эслатиб ўтамиз, Фарғона шаҳрининг тўртта сектор раҳбари — ҳокими, прокурори, ИИБ бошлиғи ва туман солиқ инспекцияси раҳбари Ўзбекистон Президенти Шавкат Мирзиёевнинг Фарғона вилоятига ташрифи давомида лавозимидан озод этилган эди.
Изоҳ (0)