Молия вазирлиги ҳузуридаги Давлат-хусусий шерикликни ривожлантириш агентлиги директори — молия вазирининг ўринбосари Ғолиб Холжигитов бошқа ишга ўтиши муносабати билан лавозимидан озод қилинди. Бу ҳақда «Gazeta.uz» хабар қилди.
Маълумот учун, Ғолиб Холжигитов Молия вазирлигида иш фаолиятини 2001 йилда бошлаган. 2004−2011 йилларда Хусусийлаштириш, монополиядан чиқариш ва рақобатни ривожлантириш давлат қўмитаси ҳузуридаги монополияга қарши сиёсатни такомиллаштириш эксперт гуруҳи раҳбари, Марказ директори вазифасини бажарувчи ва Марказ директори, 2016−2018 йилларда UBS Global Wealth Management корпорациясининг хусусий капитал ва молиявий технологияларни бошқариш масаласида автоматлаштириш ва роботлаштириш хизматларни жорий этиш бўйича лойиҳалар менежери (АҚШ) сифатида фаолият кўрсатган.
2018 йилдан 2019 йилгача Ғолиб Холжигитов Bank of America Merril Lynch корпорациясининг молиявий технологиялар масалалари бўйича лойиҳалар менежери (АҚШ) лавозимида ишлаган. 2019 йилда молия вазири ўринбосари этиб тайинланган эди.
Бундан аввал Бухоро шаҳар прокурори Жасур Фозилов лавозимидан озод этилгани, Абдуманноп Тўлаганов Президент маслаҳатчисининг ўринбосари этиб тайинлангани ҳамда Равшан Ҳайдаров Тошкент шаҳар Фавқулодда вазиятлар бошқармасига бошлиқ бўлгани ҳақида хабар берилганди.
Изоҳ (0)