Porsche компанияси Швейцариянинг соат ишлаб чиқарувчи TAG Heuer фирмаси билан ҳамкорликни бошлади. Коллобрация доирасида тақдим этиладиган биринчи маҳсулот 6050 долларлик TAG Heuer Carrera Porsche Chronograph қўл соатлари бўлади, деб ёзади Motor.
TAG Heuer Carrera Porsche Chronograph йўл қатламини ёдга солувчи «асфальт эффекти» номли услубий циферблатга эга бўлган. Учта қўшимча ҳисоблагичлар сониялар, дақиқа ва соатни кўрсатади, «соат олти» белгиси устида эса сана жойлаштирилган. Диаметрли 44 миллиметрли соатга узлуксиз 80 соат ишлаб оладиган механизм ўрнатилган. Бунинг ёрдамида Carrera Porsche Chronograph харидорлари бир неча кун бошқа соатлардан фойдаланган тақдирда ҳам ушбу соат «юриш»да давом этади.
Хронографнинг орқа томонида шаффоф қопқоқ жойлашган бўлиб, у орқали соат механизмини кўриш мумкин, марказий сексия бўлса Porsche руль чамбарагининг уч кегайли ташқи кўриниши ёдга солади. Муҳандисларнинг сўзларига кўра, янги соат 1960 йилларда пойгачилар фойдаланган TAG Heuer соатларини, шунингдек, бренднинг ўзи эса турли беллашувларга ҳомийлик қилган даврларни эслатиб туради.
TAG Heuer Carrera Porsche Chronograph соатлари икки хил кўринишда тақдим этилади. Пўлат тасмали хронографни 6050 долларга харид қилиш мумкин. Чармли версиясининг нархи — 5850 доллар. Айни вақтда бу пулга Россияда янги Lada Granta харид қилиш мумкин.
Аввалроқ Porsche компанияси 10 минг евродан қимматроқ турувчи 911 моторли кўринишидаги қаҳва тайёрловчи машина тақдим этилганди.
Изоҳ (0)