АҚШнинг Массачусетс штатида яшовчи Брэдфорд Готье уйқусида AirPods қулоқчинини билмасдан ютиб юборди, деб ёзади Daily Mail.
38 ёшли Брэдфорд эрталаб уйқудан уйғонганида бир стакан сув ичишга қийналган, нафас олишида қийинчиликлар бўлганини айтган. Шунга қарамай уйининг ҳовлисини қордан тозалаган ва одатий ҳаёт тарзини давом эттирган. Кейин Брэдфорд ўзининг AirPods’ларидан бири йўқлигини сезиб қолган. Унинг эслашича, бир кун аввал ухлашга ётганида у қулоғида бўлган. Уни излаш жараёнида эса оила аъзоларидан бири Брэдфорд уни ютиб юборганлигини ҳазил қилган.
Орадан кўп ўтмай, нафас олиши янада қийинлашган эркак шифохонага ётқизилган. Дастлаб шифокорлар уни заҳарланган, дея тахмин қилган. Аммо рентгенография барчасига ойдинлик киритган. Қулоқчинни чиқариб олиш жараёни муваффақиятли кечган. Маълум бўлишича, қулоқчин ишламоқда, аммо микрофони ишдан чиққан.
Изоҳ (0)