Британиялик Ленни Жонснинг танаси коронавирусга реакцияси туфайли бутунлай сарғайган. Британия миллий соғлиқни сақлаш хизматининг маълумотларига кўра, Жонс бутун мамлакатдаги касалликнинг шу каби намоён бўлган ўн иккинчи беморига айланди, деб ёзади The Mirror.
69-ёшли кекса Жонснинг айтишича, у «Барт Симпсон»га ўхшаб қолган ҳамда бўғила бошлаганидан кейин касалхонага ётқизилган. Натижада шифокорлар уни даволаш учун қон қуйишга мажбур бўлган.
Жон касалхонага ётқизилганидан кейин у ерда 11 кун қолишига тўғри келган. Шу билан бирга, Жонс хонада кислородга муҳтож бўлмаган ягона одам ҳам эди. Шунингдек, у тиббиёт ходимларининг навбатчилик жараёнида йиғлаётгани ва беморларнинг тез-тез вафот этаётганига гувоҳ бўлган. Шунинг учун ҳам нафақахўрнинг ўзи доимо атрофдагиларнинг кўнглини кўтаришга ҳаракат қилган. Жонснинг маълум қилишича, шифохонага янги бемор келса, ҳамширалар «Бориб, Жонс билан суҳбатлашинг», − дея тавсия қилишган.
Изоҳ (0)