Бангладешда 7 февраль куни COVID-19’га қарши эмлаш кампанияси иш бошлади. Бу ҳақда мамлакат соғлиқни сақлаш вазири Зоҳид Малик маълумотларига таяниб, «Korrespondent.net» хабар берди.
Аҳоли мамлакат бўйлаб фаолият кўрсатаётган 1015 та тиббий марказда эмланади.
Бунгача январь ойи охирида Бангладешда икки кунлик тажриба иммунизацияси ўтказилган. 28 январь куни биринчи вакцинани ҳамшира қабул қилган. Икки кун давомида 529 киши эмланган.
Бош вазир Шайх Хасинанинг таъкидлашича, бирламчи гуруҳда аҳолининг 16,9 миллиони эмланган. Мамлакат аҳолиси эса 161,4 миллионни (2018 йил ҳолатига кўра) ташкил қилади.
Бангладеш ҳукумати аҳолини эмлаш учун қандай вакцинадан фойдаланилиши ҳақида маълумот бермаган.
Аввалроқ Эрон ва Жазоирда 9 февралдан «Спутник V» вакцинаси билан эмлаш бошланиши ва дунёда коронавирусга қарши эмланганлар сони 100 миллиондан ошгани ҳақида хабар берилган эди.
Изоҳ (0)