Қоплон нусхали либослар ҳамиша бачкана ва дидсиз кўринади деб ўйлаганлар янглишади. Ушбу принт бошқа кийимлар билан тўғри мосланса, башанг ва ўзига хос образга эга бўлиш мумкин.
Жинси шортик ёки шим билан мосланг
Қоплон нусхали принт туширилган кофтани жинси шортик ичига тиқинг, оёғингизга ингичка пойабзал кийинг. Ҳаво ҳарорати совуқ бўладиган бўлса, шортик ўрнига жинси шим танланг.
Қоплон нусхали оёқ кийимни ингичкасини танланг
Қоплон нусхали оёқ кийимнинг пошнали варианти бачкана кўриниши мумкин. Ингичка моделни оқ қора кийимга мослаб иш ва ўқишга ҳам кийса бўлади. Бу образда бемалол ишдан тўғри туғилган кун ва оқшом тадбирларга ўтсангиз бўлади.
Қоплон нусхали либос билан нейтрал аксессуар танланг
Бундай либосни қоматни акс эттирадиган эмас, эркин ва кенгроқ бичимлисини танлаганингиз яхши. Унга қора ёки ортиқча безакциз бошқа аксессуарни мосласангиз образингиз кўнгилдагидек бўлади.
Бошқа принтли кийим билан умумлаштиринг
Хол-хол, йўл-йўл ва катак принтли кийимлар билан мослаб кўринг. Фақат образингиз бачкана бўлиб кетмаслиги учун сумка ва пойабзални оддий ва сипороқ вариантига эътибор қаратинг.
Қоплон нусхали аксессуар билан образни тўлдиринг
Минимал услубда кийиниб қоплон нусхали кўзойнак, камар ёки шарф тақилса образ тамоман ўзига хос кўринади.
Кундалик образ учун қоплон нусхали, oversize футболка кийинг
Таъкидланганидек бундай нусхали либос, блузка ва топ танлаганда кенгроқ ва эркин турадиган вариантга эътибор қаратган яхши. Образни чарм матодан тикилган шим, шортик ёки юбка қолаверса, ҳажми катта пойабзал билан тўлдиринг.
Чарм куртка билан мосланг
Чарм матосидан тикилган куртка барча кийим-кечак, хусусан, қоплон нусхали шим билан ҳам кийиш мумкин. Учли классик қора туфли билан эса образингиз жуда ҳам башанг кўринади.
Турли образ билан қоплон нусхали сумка тутинг
Ушбу принт туширилган либосда қора, сарғиш, жигарранг умумлашгани сабаб ҳам уни исталган кийим-кечак билан мосласа бўлади. Айниқса, бошдан оёқ бир рангда кийиниб бундай сумка тақилса, ўзига хос образ пайдо бўлади.
Қоплон нусхали сунъий мўйнадан тикилган шуба кийишингиз мумкин
Бундай шубани қора ва жинси шим, оқ водолазка билан мосласа бўлади. Асосийси шуба узун бўлмасин, тиззадан 5 сантиметр баланд бўлгани энг яхши вариант.
Қоплон нусхали топ билан эркаклар услубидаги кийимларни мосланг
Бу билан сиз бир образни ўзида ҳам замонавий кўринишингиз, шу билан бирга аёлларга хос жозибага урғу беришингиз мумкин.
Изоҳ (0)