Аслингиздан тўлароқ кўринишни ва қоматдаги камчиликларга урғу беришни истамасангиз харид қилмаслик керак бўлган блузка моделлари қайсилардан иборат эканлиги ҳақида маълумотга эга бўлинг.
Бел қисмига урғу берилган енги калта блузка
Бундай бичимли кофта қоматни хунук кўрсатади. Енги калтаси эса нафақат қорин ва бел қисмидаги камчиликларга урғу беради, балки елкани катта қилиб кўрсатади. Қолаверса, бундай блузкалар аллақачон урфдан қолган ва замонавий образ учун хос эмас.
Катта безакли блузка
Боғичли, бантли ва катта кўзга ташланадиган элементли кийимларни киймасликка ҳаракат қилинг. Улар нафақат қоматдаги камчиликларга урғу беради, балки аслидан тўлароқ қилиб кўрсатади.
Ҳаддан ортиқ тор бўлган
Ҳеч нима образни тўғри танланмаган устки кийимчалик буза олмайди. Бундай кийим нафақат хунук, балки ноқулай ҳамдир. Қолаверса, торлиги сабаб қоматдаги муаммоли қисмларни кўзга ташланишига сабабчи бўлади. Шу сабаб ҳам танлов борасида эҳтиёт бўлиш ва ўлчамдан кичик кийим олмаслик тавсия қилинади.
Бел қисми либос этагидек кенг бичилган блузка
Ўтмишда қолиб кетган бундай кофта, қоматни кўнгилдагидек кўрсатмайди. Бир томондан белни ингичка кўрсатиши мумкинлиги тўғри, лекин белдан пастки қисмларга урғу бериб тўлароқ кўринишга сабабчи бўлади.
Йирик принтли блузка
Тўладан келган аёлларга катта принтли блузкаларни танламаслик тавсия қилинади. Ёшга нисбатан катта кўринишни истамасангиз, катталиги кафтдек келадиган шакллар, чизиқлар ва тропик пальма сингари суратлар туширилган либослардан воз кечинг.
Юпқа трикотаждан тикилган блузка
Бундай матодан тикилган асосан кийимлар нозик қизларгагина ярашади. Бошқалар кийганда ҳатто кўзга ташланмайдиган камчиликларга ҳам урғу берилади.
Бўйин қисми думалоқ қилиб бичилган блузкалар
Тўла ва дўмбоқ аёлларга бўйин қисми думалоқ шаклда очиқ бўлган либосларни танламаслик тавсия қилинади. Яхшиси бўйинни узун, қоматни эса ихчамроқ кўрсатадиган V шаклидаги кийимларни танланг.
Изоҳ (0)