Костюм-шим билан кўркам образ яратиш бўйича машҳур аёллардан маҳорат сабоқлари (фото)

Костюм-шимларни кимдир зерикарли услуб, деса адашади. Келаётган баҳор мавсуми учун мос ҳамда трендда бўлган костюм-шимларни юлдузлар мисолида кўриш ва айнан уларнинг образларини бемалол такрорлаш мумкин.

Гардеробда тасмалар каби спорт деталлари билан бойитилган костюм-шим бўлса, у билан бирлаштирилган енгил оқ оёқ кийим норасмий кўринишни ҳосил қилади ва тўпламга замонавий тус беради.

Бичим жиҳатидан қулай ва расмий бўлмаган костюм-шимлар иссиқ мавсум учун жуда мос келади. Чунки улар думалоқ кўзойнак ва ясси оёқ кийимлар билан ажойиб тарзда кўринади. Кендалл Женнер ҳам костюм-шимни елкадан ўтказилган сумка билан тўлдирган.

Жинси келгуси мавсумда энг талабгор мато бўлиши кутилмоқда. Бу жинси костюм-шим ҳақида ўйлаш учун яна бир сабаб бўлиши мумкин. Аммо ҳар ким ўз моделини Оливиа Палермо сингари эҳтиёткорлик билан танлаган маъқул.

Яна бир тренд – сафари услубидаги костюмлар. Чўнтак, ёқа, катта тугмачалар ва текис шим. Буларнинг барчасини Винни Харлоу кўргазмада модель сифатида кийган ва чарм берет билан уни янада бойитган.

Спортчи Кейт Бланшетт каби образ яратмоқчи бўлганлар костюм-шим ва унга мос оқ футболка танлаши мумкин. Ушбу кўриниш чиндан ҳам спорт мураббийларига мос келади.

Агар гардеробда бўйинбоғ топилса, бунинг учун шим ва икки тугмали костйм кийиш кифоя. Шунингдек, оддий соч турмаги ва сумка-портфел ҳам услубни бойитади.

Ипак кофта устидан кийилган кенгроқ бичимдаги костюм ва бўйинга ўралган кичик шарф навбатдаги ажойиб образлардан биридир. Шунингдек, бетартиб турмак французча ташқи кўринишни ҳосил қилади.

Кара Делевиндан баҳорги мавсум учун ажойиб ғоя. Чизиқли матодан тикилган костюм-шимдан ретро услубини ҳосил қилиш мумкин. Шунингдек, баланд пошнали оёқ кийим комбинацияни янада тўлдиради.

Алекса Чанг яратган образ баҳор мавсумида трендда бўлиши тахмин қилинмоқда. Нақш ҳамда қўл меҳнати билан безак берилган костюмлар билан ретро услубини ҳосил қилиш тавсия этилади.

Ҳар бир аёлнинг гардеробида бўлиши керак бўлган костюм-шим. Кўк, кул ранг ва қора кофталар билан ҳам ажойиб уйғунликни ҳосил қилади. Лекин оппоқ кофталар билан жуда яхши кўринади.