Туркия 2021 йилнинг апрель ойидан туризм мавсумини бошлайди. Мавсум аввал Ўрта Ер денгизи, кейинроқ Эгей денгизи соҳилларида йўлга қўйилади. Бу ҳақда мамлакат туризм вазири Меҳмет Эрсойга таяниб, «Интерфакс» хабар берди.
«Мавсум Ўрта Ер денгизи соҳилларида старт олади, кейин Эгей денгизи соҳилларигача кенгаяди», — дейди Меҳмет Эрсой.
Вазирнинг таъкидлашича, Туркияга биринчи бўлиб европаликлар ташриф буюради, апрель охири ва май ойларидаги узоқ давом этадиган байрамлар муносабати билан россияликлар келади, инглизлар ташрифи ҳам кутилмоқда. 19 май Рамазон арафасида мусулмон туристлар кела бошлайди. Туризм соҳасидаги тўлиқ жонланиш август ойида бўлиши кутилмоқда.
2020 йил натижаларини сарҳисоб қилган ҳолда Эрсой шуни маълум қилдики, давлатнинг хавфсиз сертификатлаш дастури туфайли чет элликларга очилгани сабаб Туркия Испания ва Греция давлатлари каби кўп турист йўқотмади. Умумий ҳисобда мамлакатга 16 миллион турист келди, соҳадан келган даромад эса 12,1 миллиард долларни ташкил қилди.
Бундан ташқари, Туркия чет эллик киносаноат вакиллари учун бюрократик тўсиқларни максимал даражада соддалаштирди, бу эса уларнинг қизиқишини орттириб, давлат иқтисодиётига фойда келтирди.
Изоҳ (0)