Turkiya 2021-yilning aprel oyidan turizm mavsumini boshlaydi. Mavsum avval O‘rta Yer dengizi, keyinroq Egey dengizi sohillarida yo‘lga qo‘yiladi. Bu haqda mamlakat turizm vaziri Mehmet Ersoyga tayanib, “Interfaks” xabar berdi.
“Mavsum O‘rta Yer dengizi sohillarida start oladi, keyin Egey dengizi sohillarigacha kengayadi”, — deydi Mehmet Ersoy.
Vazirning ta’kidlashicha, Turkiyaga birinchi bo‘lib yevropaliklar tashrif buyuradi, aprel oxiri va may oylaridagi uzoq davom etadigan bayramlar munosabati bilan rossiyaliklar keladi, inglizlar tashrifi ham kutilmoqda. 19-may Ramazon arafasida musulmon turistlar kela boshlaydi. Turizm sohasidagi to‘liq jonlanish avgust oyida bo‘lishi kutilmoqda.
2020-yil natijalarini sarhisob qilgan holda Ersoy shuni ma’lum qildiki, davlatning xavfsiz sertifikatlash dasturi tufayli chet elliklarga ochilgani sabab Turkiya Ispaniya va Gretsiya davlatlari kabi ko‘p turist yo‘qotmadi. Umumiy hisobda mamlakatga 16 million turist keldi, sohadan kelgan daromad esa 12,1 milliard dollarni tashkil qildi.
Bundan tashqari, Turkiya chet ellik kinosanoat vakillari uchun byurokratik to‘siqlarni maksimal darajada soddalashtirdi, bu esa ularning qiziqishini orttirib, davlat iqtisodiyotiga foyda keltirdi.
Izoh (0)