Президент фармони билан 2017–2021 йилларда Ўзбекистонни ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури тасдиқланди. Бу ҳақда Адлия вазирлиги хабар бермоқда.
Фармонга мувофиқ, 2021 йил 1 апрелдан:
- «Эл-юрт умиди» жамғармаси орқали хорижга магистратура ва докторантурага юбориладиганлар 5 баробарга оширилади;
- жамғарма ҳисобидан хорижда бакалавриат бўйича ўқитиш жорий этилиб, 2021 йилда хорижга 100 та талаба юборилади.
Бундан ташқари, 2021 йил 1 июлдан ўрта тиббиёт мутахассисларига «ҳамширалик иши» билан мустақил шуғулланишга рухсат берилади.
Шунингдек, 2021 йил якунигача меҳрибонлик уйларининг уй-жойга муҳтож 900 та чин етим битирувчилари уй-жой билан таъминланади.
Шу билан бирга, 2021 йилда 22 та боғча бинолари, 31 та янги мактаб, 16 та ОТМ бинолари, 24 та соғлиқни сақлаш объектлари ҳамда 23 та спорт объектлари қурилади.
Давлат бюджетидан 100 миллиард сўм ажратиладиган Болаларни қўллаб-қувватлаш фонди ташкил этилади.
Аввалроқ «Эл-юрт умиди» жамғармаси 2021 йилдан бошлаб 100 нафар йигит-қизнинг чет элга бакалаврга юбориши ҳамда Шавкат Мирзиёев 2021 йилда физика ва чет тилларини ўрганишни устувор йўналиш этиб белгилашни таклиф қилгани ҳақида хабар берилганди.
Изоҳ (0)