Президент қарори билан Алишер Навоий номидаги халқаро жамоат фонди ташкил этилди, дея хабар қилмоқда Адлия вазирлиги.
Мазкур фонд:
- Алишер Навоий ҳаёти, юксак инсонпарварлик ғоялари ва илмий-адабий меросини Ўзбекистонда ва халқаро миқёсда кенг ўрганади ва тарғиб қилади;
- Алишер Навоий асарларини хорижий тилларга таржима қилиб, мукаммал илмий нашрларини яратади ҳамда уларни республикада ва чет элларда нашр этади;
- Алишер Навоийнинг илмий-адабий меросини тадқиқ этаётган адиб ва олимлар фаолиятига кўмаклашади.
Аввалроқ Ezgu Amal фонди Президент Шавкат Мирзиёевга онкологик ёрдам сифатини яхшилашни сўраб мурожаат қилгани ҳамда Ўзбекистон Ҳиротдаги Алишер Навоий мақбарасини таъмирлашда Афғонистон билан ҳамкорлик қилиши ҳақида хабар берилганди.
Изоҳ (0)