Фарғона вилоятининг Бешариқ туманида яшовчи ота фарзанди учун 18 ёшга тўлгунига қадар тўланиши керак бўлган алимент пулини аввалдан тўлаб берди. Бу ҳақда «Дарё»га МИБ вилоят бошқармаси маълум қилди.
Маълум бўлишича, Фуқаролик ишлари бўйича Ўзбекистон туманлараро судининг ижро ҳужжатига асосан қарздор Б.Ҳ.дан ундирувчи Г.Т. фойдасига вояга етмаган бир нафар фарзандининг моддий таъминоти учун алимент ундириш белгиланган. Қарздор ота 2020 йилнинг декабрь ойига қадар интизомли алимент тўловчи сифатида барча тўловларни олдиндан тўлаб келган.
Қарздор Б.Ҳ. фарзандининг 18 ёшгача бўлган алимент пулларини собиқ турмуш ўртоғи билан ўзаро келишган ҳолда олдиндан тўлаб беришини айтиб, МИБнинг Бешариқ туман бўлимига мурожаат қилган. Бюронинг давлат ижрочиси томонидан ҳисоблаб берилган 120 миллион сўм алимент пулларини собиқ турмуш ўртоғи тўлиқ олгандан сўнг ҳужжатлар расмийлаштирилиб, ижро ҳужжати тамомланган.
Мавзуга доир:
Изоҳ (0)