Ўзбекистон Адлия вазирлиги нима сабабдан 520 дан ортиқ хориж товарларининг давлат харидларида иштирок этишига вақтинча тақиқ қўйилганини асослаб берди.
Адлия вазирлигининг таъкидлашича, бугунги кунда коронавирус глобал пандемияси кооперация алоқаларининг бузилиши, маҳсулотга талабнинг ва сотув бозорларининг қисқариши оқибатида иқтисодиётнинг қатор тармоқ ва соҳаларидаги корхоналарнинг ишлаб чиқариш фаоллигига чекловчи таъсир ўтказишда давом этмоқда.
Шунга кўра, рақобат муҳитини ривожлантириш учун шарт-шароитлар яратиш ва давлат харидлари тизимида маҳаллий ишлаб чиқарувчилар иштирокини кенгайтириш мақсадида 29 январда ҳукумат қарори билан Давлат харидларидаги иштироки вақтинчалик тақиқланган ва чегараланган, хорижда ишлаб чиқарилган товарлар, шунингдек, хорижий шахслар томонидан бажариладиган ишларнинг (хизматларнинг) рўйхати тасдиқланган.
Ижтимоий тармоқларда мазкур рўйхат билан боғлиқ турли талқинлар пайдо бўлмоқда. Ҳукумат томонидан мазкур рўйхатнинг тасдиқланишини бир қатор асослар билан изоҳлаш мумкин.Эслатиб ўтамиз, Президент Шавкат Мирзиёев 2020 йилнинг августида «Маҳаллий ишлаб чиқарувчиларни қўллаб-қувватлашга доир қўшимча чора-тадбирлар тўғрисида»ги қарорни имзолаган эди. Унга мувофиқ, 1 ноябрдан:Биринчидан, қарордан кўзланган асосий мақсад — маҳаллий ишлаб чиқарувчиларни қўллаб-қувватлаш. Коронавирус пандемияси даврида аҳолининг харид қуввати пастлиги ҳамда объектив сабабларга кўра экспорт имкониятларининг сезиларли даражада қисқарганлиги оқибатида бир қатор маҳаллий тадбиркорлар фаолиятида узилишлар рўй берди. Уларнинг фаолият юритишини жонлантириш учун давлат органлари ва ташкилотлари эҳтиёжларида маҳаллий тадбиркорлар маҳсулотларидан фойдаланилади.
Иккинчидан, ички бозорни, маҳаллий тадбиркорларни ҳимоя қилиш тенденцияси бошқа давлатларда ҳам амалга оширилган. Хусусан, Россия ҳукуматининг 2020 йил 30 апрелдаги 617-сонли қарори билан давлат харидларида 170 дан ортиқ товарлар ва хизматлар импорти тақиқланган.
Учинчидан, 2019 йилда мамлакатда 55 мингта корхона ташкил этилган бўлса, ушбу кўрсатгич 2020 йилда 96 минг 743 тани ташкил қилган. Ўз-ўзидан кўриниб турибдики, янги ишлаб чиқариш қувватлари икки ҳиссага ошмоқда, маҳаллий ишлаб чиқарувчиларнинг кўпайиши аҳоли бандлигини таъминлаш, солиқ тушумларининг қўпайишига замин яратади. Бунинг учун, маҳаллий тадбиркорлар бугунги кунда ҳар доимгидан-да қўллаб-қувватлашга муҳтож.
Тўртинчидан, тақиқ ва чеклов фақат давлат харидлари доирасида мавжуд, хусусий тадбиркорлар ёки фуқаролар ўз эҳтиёжлари учун исталган товарни харид қилиши ёки хизматлардан фойдаланиши мумкин.
Адлия вазирлиги матбуот хизмати
- устав фондида давлат улуши 50 фоиз ва ундан ортиқ бўлган юридик шахсларнинг умумий қиймати базавий ҳисоблаш миқдорининг 50 минг бараваридан юқори бўлган импорт товарлари харидларининг мақсадга мувофиқлиги ҳар чоракда кузатув кенгашлари томонидан мажбурий тартибда кўриб чиқилади;
- хорижда ишлаб чиқарилган алоҳида товарлар, шунингдек, хорижий шахслар томонидан бажариладиган ишларнинг давлат харидларидаги иштироки вақтинчалик тақиқланади ва чегараланади;
- давлат харидларидаги иштироки вақтинчалик тақиқланган ва чегараланган, хорижда ишлаб чиқарилган товарлар бўйича тендер (танлов) иштирокчилари таклифларини баҳолашда маҳаллий ишлаб чиқарилган товарларга нисбатан импорт товарларининг CIP (Ўзбекистон) нархидан 15 фоиздан кўп бўлмаган миқдорда преференция берилади.
Изоҳ (0)