O‘zbekiston Adliya vazirligi nima sababdan 520 dan ortiq xorij tovarlarining davlat xaridlarida ishtirok etishiga vaqtincha taqiq qo‘yilganini asoslab berdi.
Adliya vazirligining ta’kidlashicha, bugungi kunda koronavirus global pandemiyasi kooperatsiya aloqalarining buzilishi, mahsulotga talabning va sotuv bozorlarining qisqarishi oqibatida iqtisodiyotning qator tarmoq va sohalaridagi korxonalarning ishlab chiqarish faolligiga cheklovchi ta’sir o‘tkazishda davom etmoqda.
Shunga ko‘ra, raqobat muhitini rivojlantirish uchun shart-sharoitlar yaratish va davlat xaridlari tizimida mahalliy ishlab chiqaruvchilar ishtirokini kengaytirish maqsadida 29-yanvarda hukumat qarori bilan Davlat xaridlaridagi ishtiroki vaqtinchalik taqiqlangan va chegaralangan, xorijda ishlab chiqarilgan tovarlar, shuningdek, xorijiy shaxslar tomonidan bajariladigan ishlarning (xizmatlarning) ro‘yxati tasdiqlangan.
Ijtimoiy tarmoqlarda mazkur ro‘yxat bilan bog‘liq turli talqinlar paydo bo‘lmoqda. Hukumat tomonidan mazkur ro‘yxatning tasdiqlanishini bir qator asoslar bilan izohlash mumkin.Eslatib o‘tamiz, Prezident Shavkat Mirziyoyev 2020-yilning avgustida “Mahalliy ishlab chiqaruvchilarni qo‘llab-quvvatlashga doir qo‘shimcha chora-tadbirlar to‘g‘risida”gi qarorni imzolagan edi. Unga muvofiq, 1-noyabrdan:Birinchidan, qarordan ko‘zlangan asosiy maqsad — mahalliy ishlab chiqaruvchilarni qo‘llab-quvvatlash. Koronavirus pandemiyasi davrida aholining xarid quvvati pastligi hamda obyektiv sabablarga ko‘ra eksport imkoniyatlarining sezilarli darajada qisqarganligi oqibatida bir qator mahalliy tadbirkorlar faoliyatida uzilishlar ro‘y berdi. Ularning faoliyat yuritishini jonlantirish uchun davlat organlari va tashkilotlari ehtiyojlarida mahalliy tadbirkorlar mahsulotlaridan foydalaniladi.
Ikkinchidan, ichki bozorni, mahalliy tadbirkorlarni himoya qilish tendensiyasi boshqa davlatlarda ham amalga oshirilgan. Xususan, Rossiya hukumatining 2020-yil 30-apreldagi 617-sonli qarori bilan davlat xaridlarida 170 dan ortiq tovarlar va xizmatlar importi taqiqlangan.
Uchinchidan, 2019-yilda mamlakatda 55 mingta korxona tashkil etilgan bo‘lsa, ushbu ko‘rsatgich 2020-yilda 96 ming 743 tani tashkil qilgan. O‘z-o‘zidan ko‘rinib turibdiki, yangi ishlab chiqarish quvvatlari ikki hissaga oshmoqda, mahalliy ishlab chiqaruvchilarning ko‘payishi aholi bandligini ta’minlash, soliq tushumlarining qo‘payishiga zamin yaratadi. Buning uchun, mahalliy tadbirkorlar bugungi kunda har doimgidan-da qo‘llab-quvvatlashga muhtoj.
To‘rtinchidan, taqiq va cheklov faqat davlat xaridlari doirasida mavjud, xususiy tadbirkorlar yoki fuqarolar o‘z ehtiyojlari uchun istalgan tovarni xarid qilishi yoki xizmatlardan foydalanishi mumkin.
Adliya vazirligi matbuot xizmati
- ustav fondida davlat ulushi 50 foiz va undan ortiq bo‘lgan yuridik shaxslarning umumiy qiymati bazaviy hisoblash miqdorining 50 ming baravaridan yuqori bo‘lgan import tovarlari xaridlarining maqsadga muvofiqligi har chorakda kuzatuv kengashlari tomonidan majburiy tartibda ko‘rib chiqiladi;
- xorijda ishlab chiqarilgan alohida tovarlar, shuningdek, xorijiy shaxslar tomonidan bajariladigan ishlarning davlat xaridlaridagi ishtiroki vaqtinchalik taqiqlanadi va chegaralanadi;
- davlat xaridlaridagi ishtiroki vaqtinchalik taqiqlangan va chegaralangan, xorijda ishlab chiqarilgan tovarlar bo‘yicha tender (tanlov) ishtirokchilari takliflarini baholashda mahalliy ishlab chiqarilgan tovarlarga nisbatan import tovarlarining CIP (O‘zbekiston) narxidan 15 foizdan ko‘p bo‘lmagan miqdorda preferensiya beriladi.
Izoh (0)