Ўзбекистон ва Миср ҳукумати ўртасида тузилган Ҳаво қатнови тўғрисидаги битим асосида Транспорт вазирлиги ҳузуридаги «Ўзавиация» агентлиги томонидан Fly Egypt авиакомпаниясига Ўзбекистонга мунтазам равишда авиақатновларни амалга ошириш учун 2021 йил 3 февралда 7-К-сонли рухсатнома берилди.
Рухсатнома Қоҳира–Тошкент–Қоҳира ва Шарм аш-Шайх–Тошкент–Шарм аш-Шайх йўналишларида парвозлар учун берилди.
Авиакомпания рейсларни Боинг-737-700/800 ҳаво кемаларида амалга оширишини маълум қилди.
Бундан аввал Air Arabia Ўзбекистонга мунтазам парвозларни амалга ошириш учун 2020 йилнинг сентябрь ойида рухсатнома олганди. Компания 4 ноябрь кунидан бошлаб Шаржа–Тошкент–Шаржа йўналишида парвозларни амалга оширишни бошлади.
Бундан ташқари, Украинанинг SkyUp Airlines авиакомпанияси Тошкент ва Киев ўртасида мунтазам қатновларни йўлга қўйишни режалаштираётгани ҳақида хабар берилганди.
Изоҳ (0)