Бухоро шаҳридаги Ислом Каримов кўчасида қурилаётган 9 қаватли бинода юзага келган портлаш оқибатида 6 киши жабрланган. Бу ҳақда Бухоро вилояти ҳокимлиги ахборот хизмати маълум қилди.
Фото: «Дарё»
Ҳокимлик ахборотига кўра, бино Кароматов Жамшид Жалолович раҳбарлигидаги White Group Trading МЧЖ томонидан 2019 йилда аҳоли томонидан қабул қилинган буюртма орқали қурилиши бошланган. Лойиҳа бўйича 3 та подъездда жами 70 та хонадон қурилиши режалаштирилган. Қурилиш учун давлат томонидан кредит молиялаштирилмаган.
Портлаш вақтида бино ичида 10 нафар қурувчи ва 3 нафар газ пайвандловчи усталар бўлган.
Газ пайвандлаш ишлари 3 ой олдин бошланган. 4 февраль куни монтаж тўлиқ тугатилиб, синовдан ўтказилган. Синовдан ўтказиш вақтида чақнаш содир бўлган хонадонда газ қувурининг тўсгичи (заглушка) бўлмаганлиги сабабли сизиб чиққан газ ҳаво билан аралашиб, чақнаш содир бўлган.Бухоро вилояти ҳокимлиги
Фото: Бухоро вилояти ҳокимлиги
Ҳодиса оқибатида 6 киши жабрланган. Улардан 4 нафари аёллардир. Ҳокимлик жабрланганлар ҳақида маълумот берди:
Ризоев Аҳад Тошевич,1982 йилда туғилган. Когон шаҳридан, аҳволи оғир.
Жўраева Феруза, Бухоро шаҳридан, аҳволи енгил.
Ўринова Шаҳноза, 1981 йилда туғилган. Жондор туманидан, аҳволи енгил.
Розиқова Наргиза, 2000 йилда туғилган. Жондор туманидан, аҳволи енгил.
Жўраев Бехруз, 1999 йилда туғилган, Жондор туманидан, аҳволи енгил.
Маҳмудова Моҳинур, аҳволи енгил.
Аввалроқ ФВВ ҳодиса оқибатида фақат 2 нафар ишчи енгил жароҳат олгани, қурбонлар бўлмаганини маълум қилганди.
«Дарё» мухбирининг ҳодиса жойидан олган дастлабки маълумотларига кўра, аёллардан бири гугурт чақиши оқибатида портлаш юзага келган.
Изоҳ (0)