Мутахассислар дунёдаги энг меҳмондўст масканлар рўйхатини тузди (фото)

Мутахассислар бутун дунё бўйлаб турар жой масканлари ўртасида «Traveller Review Award 2021» мукофотларини тақсимлаш натижалари бўйича сайёранинг ўнта энг меҳмондўст жойлари рўйхатини тузди.

Тайдун округи, Тайван

Тайваннинг шарқий қирғоғида жойлашган, тоғлар ва океан билан ўралган. Сайёҳлар маҳаллий маданиятнинг хилма-хиллигидан ҳайратда қолади. Бу ерда кўплаб қабилалар яшайди, уларнинг ҳар бири қадимий анъаналари ва урф-одатлари билан машҳур.

Прешовский вилояти, Словакия.

Ушбу минтақа ўзининг тоғли ландшафтлари билан қиш мавсумида пиёда юриш ва чанғи учишни яхши кўрадиган саргузашт изловчилар учун идеал жой. Шунингдек, Словакиянинг энг юқори нуқтаси ҳисобланади.

Тасмания, Австралия. 

Австралиянинг Тасмания штати ўзининг ёввойи табиати ва гўзал манзаралари билан машҳур. Бу ерда меҳмонлар ажойиб манзара, тарихий ва маданий мерос ҳамда мукофотга сазовор бўлган ресторанларнинг ажойиб комбинацияларини топиш мумкин.

Кентербери, Янги Зеландия.

Кентербери ёввойи пляжлар, кўллари, узумзорлари ва тоғлари билан машҳур бўлган Янги Зеландиядаги энг катта минтақадир. Яқин атрофда тоғлар билан бирга, бошқа гўзалликлар ҳам мавжуд. Жанубий оролнинг марказида тоза сувлари бўлган Текапо кўли жойлашган. Кечки пайт сув омбори устидаги осмон узра юлдузлар тўлиб тошади. Тунги осмонни томоша қилиш учун ажойиб имконият бор.

Янги Шотландия, Канада

Янги Шотландиянинг қирғоқларини вилоят ҳаётида улкан рол ўйнайдиган Атлантика океани ювиб туради. Канаданинг ушбу бурчагида кўплаб балиқчилар шаҳарчалари, денгиз маёқлари ва қизил қоялар мавжуд.

Юқори Австрия, Австрия.

Юқори Австриянинг федерал штати мамлакат шимолида жойлашган ҳамда Германия ва Чехия билан чегарадош. Минтақа ўзининг чиройли яшил тепаликлари ва Европанинг иккинчи энг узун дарёси Дунай билан машҳур. Сайёҳлар пиёда сайр қилиш пайтида табиатдан баҳраманд бўлиши ва кўплаб йўналишлар бўйлаб велосипедда саёҳат қилиши мумкин.

Чубут, Аргентина.

Чубут Аргентинанинг жанубидаги провинция, Анд ва Атлантика океанининг ўртасида жойлашган. Шунинг учун саёҳатчилар тоғлардан ва пляждан баҳраманд бўлиши мумкин.

Либертадор-Хенерал-Бернардо-O’Хиггинс, Чили.

Либертадор-Хенерал-Бернардо-O’Хиггинс вилояти шарқда Аргентина, ғарбда эса Тинч океани билан чегарадош. Бундан ташқари, ҳудудда дунёдаги энг катта ер ости мис кони мавжуд.

Айова, АҚШ.

Айова шатати Миссури ва Миссисипи дарёлари ўртасида, АҚШнинг қоқ марказида жойлашган. Айова ноёб ўсимликлар, ёввойи табиат, фермер хўжаликлари ва қишлоқларга эга.

Минас-Жерайс, Бразилия.

Минас-Жерас Бразилиянинг жануби шарқидаги океанга чиқа олмайдиган давлат. Бу ерда тарихий бинолар мавжуд, тепаликларда кўплаб аҳоли масканлари барпо этилган. Денгиз сатҳидан энг баланд бўлган Бразилиянинг бешта шаҳридан тўрттаси Минас-Жерасда жойлашган.