Biz biladigan mamlakatlar nomi aslida boshqacha bo‘lishi, xalqi va aholisi tomonidan tamoman boshqacha atalishi ham mumkin.
Avstriya
Mamlakat nomi qadimgi nemis tilidan olingan bo‘lib Ostarrîchi “Sharqiy davlat” ma’nosini bildiradi. Avstriya mamlakatning original nomining lotinlashtirilgan varianti. Ost so‘zi nemis tilida sharqni, auster esa lotin tilida janub ma’nosini bildirgani sabab ham biroz anglashmovchilik bo‘lishi mumkin.
Armaniston
Armaniston so‘zining kelib chiqishi hududning qadimiy nomi Armiga borib taqaladi. Boshqa versiyaga ko‘ra, ushbu toponimning kelib chiqishi Urartiya qiroli Aramga bog‘liq. O‘rta asrlarda mamlakat Ayastan deb atalgan. Turli versiyalardan biriga ko‘ra, ushbu nom miloddan avvalgi 2492-yilda Vavillon qirolini mag‘lubiyatga uchratgan armanlar yo‘lboshchisi Ayka bilan bog‘liq.
Butan
Butan nomining kelib chiqishi Tibet tilidan olingan bo‘lib, bod Tibet, anta esa chekka degan ma’noni anglatadi. Tibet tilidan bir qator hind tillariga ham kirib borgan Butan so‘zi bizgacha yetib kelgan. Aslida esa Druk-Yul deb nomlanadigan mamlakat nomini “Ajdarlar mamlakati” deb tarjima qilish mumkin.
Germaniya
Germaniya turli tillarda turlicha nomlanadi. Fransuz tilida Allemaniya (Allemagne), fin tilida Saksa, Dan tilida Tiskland deb nomlanishiga qaramay, nemislarning o‘zi mamlakatini Deutschland deb ataydi. Versiyalardan biriga ko‘ra, ushbu nom Þeodisk “xallqa tegishli” degan ma’noni anglatadi.
Grenlandiya
Grenlandiya (“Yashil o‘lka”) nomini ko‘proq ko‘chmanchilarni jalb qilish uchun Norvegiyalik Erik Torvaldson o‘ylab topgan. Grenland tilida Kalaallit Nunat — Kalaallitlar o‘lkasi degan ma’noni anglatadi.
Marokash
Mamlakatning rasmiy nomi Al-mamlaka al-Mag‘ribiya. Marokash nomi fransuz tilidan kirib kelgan bo‘lib, fransuzlar mamlakatni Maroc deb atagan.
Shimoliy Irlandiya
Irland tilida Tuaisceart Éireann deb nomlanadigan mamlakat nomi Shimoliy orol deb tarjima qilinadi.
Shimoliy Koreya
Koreys tilida Choson deb ataladigan mamlakat nomida shimol degan tushuncha yo‘q. Koreyani Janubiy va Shimoliy deb atash faqatgina xorijiy mamlakatlarga xos. Choson, mamlakat tarixida muhim rol o‘ynagan sulola nomi bilan bog‘liq.
Uels
Uelsning nomi Kamri bo‘lib, kom-brogi vatandoshlar degan ma’noni anglatadi. Uels so‘zi mazkur hududda yashagan Gall qabilasining eski ingliz tilidagi nomidan kelib chiqqan.
Shvetsiya
Mamlakat nomi qadimgi skandinav tilidan kelib chiqqan bo‘lib, svea va rike shvedlar davlati degan ma’noni bildiradi.
Kareliya
Versiyalardan biriga ko‘ra, Kareliya nomi tog‘ degan ma’noni bildiradi.
Shimoliy Osetiya
Tarixchilar respublikaning qadimiy nomi (Alaniya) va uning aholisini (alanlar) atalishi qanday paydo bo‘lgani haqida bir qarorga kelmagan. Gruziyaliklar ushbu hududni Osetiya deb atagan va aynan gruzin tilidan ushbu toponim dunyoning boshqa tillariga ham kirib kelgan.
Checheniston
