Ер шарида қушларнинг 10 мингдан ортиқ тури учрайди. Уларнинг аксарияти инсонлар назарида патли жонзот сифати шаклланган. TravelAsk ўзининг ташқи кўриниши билан эртаклардаги қаҳрамонларни ёки қадимий геологик даврни ёдга солувчи ноёб қушларнинг суратларини тўплаб тақдим этди.
Шохдор абиссин қарғаси
Ушбу қуш яккашох-қушлар оиласига мансуб ҳисобланиб, у ўзининг ноодатий тумшуғи билан машҳур. У Африка ҳудудидаги саванна ва ярим саҳроларда яшайди.
Кўзойнакли гага
Ўрдаксимонлар оиласига мансуб бўлган ушбу қуш Шимолий Муз океани қирғоқларида истиқомат қилади. Эркакларининг патлари ёрқин, урғочилариники эса жигарранг, бироқ иккиси ҳам ноодатий тумшуққа эга.
Дубулғасимон казуар
Бошида дубулғаси бор ушбу қуш Янги Гвинея ва унга яқин бўлган ҳудудларда яшайди. Унинг бўйи 1,7 метрни тенг, оёқлари бақувват, бироқ уча олмайди.
Маврак қур
Маврак қурнинг эркакларини кўкрагида ғаройиб қопча мавжуд. Унинг ёрдамида қуш урчиш вақтида баланд овоз чиқаради. Мазкур қушлар оиласи Шимолий Америка ҳудудларида истиқомат қилади.
Елпиғичсимон тождор каптар
Янги Гвинея оролида нафис патларга эга тождор каптарлар учрайди. Ўлчами 60—70 сантиметрни ташкил этадиган ушбу қушлар ўсимликлар меваси ва уруғлари билан озиқланади.
Балаэниcепс (Китсимон бошли қуш)
Ушбу ғайриоддий қушлар лайлаксимонлар оиласига мансуб бўлса-да, ўзининг ташқи кўриниши билан динозаврлар даврини ёдга солади. Суратда тасвирланган қушлар Марказий Африка ҳудудида учрайди. Қанотларининг кенглиги 2 метрни, бўйининг баландлиги 1,2 метрни ташкил этади. Улар майда балиқлар, қурбақа ва илонлар билан озиқланади.
Эквадорнинг соябонсимон қуши
Мазкур қушлар Колумбия ва Эквадордаги намлиги юқори ўрмонларда яшайди ва уларнинг эркакларини кўкрагида патлар билан қопланган ноодатий ўсимта мавжуд. «Сирға» деб аталувчи ушбу ўсимтанинг узунлиги 35 сантиметрга етади.
Ҳиндистон калаоси
Мазкур яккашох-қушнинг ўлчамлари 1,5 метрга етади. Ҳиндистонда учрайдиган калаолар Жануби-Шарқий Осиёдаги тропик ўрмонларда яшайди ва дарахтлар меваси билан озиқланади.
Кўк оёқли олуша
Бошқа қушлардан ўзининг кўк рангли оёқлари билан ажралиб турувчи ушбу қушлар Галапагос ороллари ва Тинч океанининг Америка қитъаси яқинидаги қирғоқларида яшайди.
Изоҳ (0)