Qishning sovuq va rangsiz kunlarida sayohat qilishni istaydigan, ammo karantin sabab qayerga borishni va qanchalik xavfsiz ekanligini bilmayotganlar uchun Dubaydan yaxshisi yo‘q. Aksari kishilar qishki ta’tilni o‘tkazish uchun maqbul deb bilgan va dam olish uchun jo‘nab ketgan ushbu shaharning sayyohlar uchun afzalliklari haqida ma’lumot berib o‘tamiz.
Xalqaro turizm uchun ochiq
Pandemiya sabab ta’til o‘tkazsa bo‘ladigan kurort shaharlarning hammasi ham ochiq emas. Qishin-yozin quyosh nuridan bahra olish mumkin bo‘lgan Dubay esa bundan mustasno. Dubayda oilaviy, do‘stlar bilan yoki yolg‘iz dam olishingiz, qumli sohilda quyoshda toblanish, gastronomik turizmdan bahra olish, binolar va qadamjolarni kezib ko‘z quvnashi hamda xohishga qarab turli darajadagi mehmonxonalarda dam olish mumkin.
Xavfsizlik
Amirlik tomonidan tashrif buyurganlarning xavfsizligi va salomatligi haqida qayg‘urib amalga oshirilgan chora tadbirlar sabab Dubay birinchilardan bo‘lib World Travel & Tourism Council tashkilotining xavfsizlik bo‘yicha Safe Travels Stamp sertifikatini qo‘lga kiritgan. Dubay xalqaro aeroportidagi turli hududlarga joylashtirilgan skanerlar orqali aeroport binosiga kirib kelayotgan sayyoh va mehmonlar, shuningdek, xodimlarning tana harorati o‘lchab turiladi. Qo‘shimcha himoya uchun ro‘yxatga olinadigan va pasport nazorat qilinadigan joylarda maxsus to‘siqlar o‘rnatilgan. Kelgan turistlarning barchasi o‘zi bilan birga 96 soatdan oshmagan vaqt ichida topshirilgan manfiy PZR-test natijasini olib kelishlari lozim.
Bu hali hammasi emas, ehtiyot choralarini yanada kuchaytirish uchun aeroportning o‘zida qo‘shimcha bepul PZR-test topshirish tashkil qilingan. Natijani sutka davomida maxsus dastur orqali bilish mumkin bo‘ladi. Qolaversa, Amirlikka uchayotganlar uchun turistik sug‘urtaga hojat yo‘q. Chunki aviakompaniyaning o‘zi yo‘lovchilarni koronavirus bilan bog‘liq tibbiy va karantin xarajatlarini bepul qoplaydi.
Ob-havo
Qishki sovuqdan charchab issiq ob-havoni sog‘inganlar uchun Dubay yaxshi variant. Havo haroratining qulayligi sabab dam oluvchilar plyajda hordiq chiqarishi mumkin. Kech bo‘lishi bilan haroratning yoqimli salqin ekani esa ochiq havoda atrofdagi manzarani kuzatib, kechki ovqat qilish imkonini beradi.
Diqqatga sazovor joylar
Dubayda diqqatga sazovor joylar ko‘p ekaniga qaramay, birinchi bo‘lib balandligi 828 metrni tashkil qiladigan dunyoga mashhur Burj Xalifa’ga borish tavsiya qilinadi. Xarid qilishni istaydigan bo‘lsangiz, Dubai Mall’ga borishingiz mumkin. Umumiy maydoni 200 futbol maydoniga teng bo‘lgan, 1 million kvadrat metrni tashkil qiladigan mazkur savdo markazida vaqt qanday o‘tib ketganini bilmay qolishingiz aniq.
Kechki vaqtni esa Downtown kvartalida joylashgan, dunyodagi eng baland “kuylovchi” favvora Dubai Fountain’ni tomosha qilish bilan o‘tkazishingiz mumkin. Har kuni soat kechki 6 da boshlanib yarim soat davom etadigan shouni tomosha qilib dilingiz yayraydi.
Sharqning o‘ziga xosligiga guvoh bo‘lish uchun esa Al Fahidi kvartaliga boring. Shuningdek, yo‘l-yo‘lakay Grand Souk Deira sharq bozori va qo‘shni ziravorlar bozori Spice Souk’ni aylanishni ham unutmang.
- Foto: Dubayda hordiq chiqarayotgan o‘zbekistonlik mashhurlar
- Instagram: Yoppasiga Dubayga ketayotgan san’atkorlar, otasini uylantirgan Sharof Muqimov, vazirlikka ishga kirayotgan Halima
- Maldiv, Dubay, Istanbul: O‘zbek shou-biznesi vakillari Yangi yilni qayerda kutib oldi? (foto, video)
- Xorijiy mamlakatlarda hordiq chiqarayotgan o‘zbek shou-biznesi vakillari (foto)
- Ertaklardagi Shahrizodalar: Arab shayxlarining rafiqalari qaysi sohalarda faoliyat yuritadi? (foto)
