«Атлетико» Ла Лига 21-турида 31 январь куни «Кадис»ни мағлубиятга учратди (2:4).
Бу мадридликлар учун Primeрада бош мураббий Диего Симеоне қўл остидаги 214-ғалаба бўлди. Бу борада аргентиналик мутахассис «Барселона» собиқ устози Эрнесто Вальвердени (213 ғалаба) ортда қолдирган ҳолда Ла Лига тарихида энг кўп ғалаба қайд этган мураббийлар рўйхатида 4-ўринга кўтарилди ва XXI асрда қайд этилган ғалабалар сони бўйича пешқадамга айланди.
Ла Лигада Фердинанд Даучик (234 ғалаба, «Барселона», «Атлетико»), Хавьер Ирурета (259, «Депортиво», «Сельта»), Мигел Мунёс (323, «Реал», «Севилья») ва Луис Арагонес (344, «Атлетико», «Барселона») Симеонедан кўпроқ ғалаба қайд этган.
«Атлетико» 50 очко билан якка пешқадам бўлиб турибди ва энг яқин таъқибчи «Реал»ни 10 очкога ортда қолдирмоқда, бундан ташқари «матрасчилар» битта захира ўйинига эга.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)