Футбол бўйича Англия чемпионатининг 21-турида «Тоттенҳэм» 31 январь, якшанба куни «Брайтон» майдонида меҳмон бўлди.
Учрашувнинг 17-дақиқасида Леандро Троссард томонидан урилган гол ўйин ягоналигини сақлаб қолди.
Шу тариқа «Тоттенҳэм» 33 очко билан 6-поғонада қолиб кетди. «Брайтон» эса очколарини 21 тага етказиб олди ва 17-ўринда бормоқда.
Жозе Моуриньо жамоаси кейинги турда «Челси» билан баҳс юритади. «Брайтон» эса «Ливерпуль» майдонига сафар қилади.
АПЛ
21-тур баҳси
31 январь, якшанба
«Брайтон» — «Тоттенҳэм» 1:0
Гол: 1:0 – 17 Троссард.«Брайтон»: Санчес, Уэбстер, Уайт, Данк, Велтман (Берн, 72), Биссума, Мак Аллистер, Гросс, Марч, Троссард (Коннолли, 79), Мопе (Лаллана, 79).
«Тоттенҳэм»: Льорис, Санчес (Винисиус, 46), Алдервейрелд, Родон, Дэвис, Бергвейн, Сиссоко, Бэйл (Лукас Моура, 61), Ҳёйбьерг, Сон Ҳён Мин, Ндомбеле (Ламела, 74).
Огоҳлантиришлар: Алдервейрелд (66), Мопе (71), Берн (86).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)