Афғонистоннинг Нангарҳор вилоятида автомобилга ўрнатилган бомбанинг портлаши оқибатида саккиз нафар хавфсизлик хизмати ходими ҳалок бўлди. Бу ҳақда Tolo News хабар берди.
Маҳаллий ҳокимият маълумотига кўра, портлаш 2021 йил 30 январь куни тонгда Ширзад округига ўтувчи ҳарбий блокпостда содир бўлган. Нангарҳор полиция бошлиғининг сўзларига кўра, портлаш детонацияси ҳарбий база ҳудудида амалга оширилган.
Нангарҳор вилояти ҳокимининг ўринбосари Убайдулла Шинвари ҳалокат оқибатида ўлганларнинг сони 14 нафарни ташкил қилиши ва улар хавфсизлик хизмати ходимлари бўлганини қайд этган.
Афғонистонда ҳозиргача ҳукумат ва «Толибон» ҳаракати жангарилари ўртасида катта келишмовчиликлар мавжуд. 2020 йил 12 сентябрда Қатар пойтахти Доҳа шаҳрида афғон ҳукумати ва «Толибон» ўртасида тинчлик музокараси бошланганди.
Ўтган йили ноябрь ойида Афғонистон марказидаги Ғазни шаҳрида портлаш юз бериши оқибатида 20 нафардан зиёд киши ҳалок бўлганди. 2020 йил май ойида Кобулдаги касалхонага уюштирилган ҳужум оқибатида 24 нафар одам ҳаётдан кўз юмган.
Изоҳ (0)