Галь Гадот, Скарлетт Йоханссон, Николас Кейж ва киноларда ташқи кўриниши компьютер ёрдамида ўзгартирилган бошқа юлдузлар (фото)

Баъзида актёр ва актрисалар ўз персонажларига мослашиши учун қурбонлик қилишига тўғри келади. Агар уларнинг ҳаракати етарли бўлмаса, махсус эффектлар ёрдамга келади.

Галь Гадот

«Мўъжиза-аёл» фильмини суратга олиш пайтида ҳеч нарсани ўзгартиришга ҳожат бўлмаган. Аммо кейинчалик бир нечта саҳнани якунлаш керак бўлганда актриса беш ойлик ҳомиладор бўлган. Унинг ҳомиладорлиги сезилмаслиги учун компьютер ёрдамида унинг аввалги қомати чизилган. Бунинг учун Галнинг қорин қисмига яшил ранг учбурчак қоғоз ёпиштириб қўйилган. «Бу кулгили кўринарди, − дейди Галь. – Йирик планда ҳаммаси яхши эди, кичик тасвирларда эса ҳомиладор Кермит қурбақасига ўхшардим».

Генри Кавилл

Актёр бир вақтнинг ўзида «Уддалаб бўлмас топшириқ» ҳамда «Адолат лигаси» фильмларида рол ижро этган. Биринчи фильмда у мўйловини ўстириши керак, иккинчисида бу каби кўриниш керак бўлмаган. Кино компаниялар орасида бир неча муҳокамалар олиб борилиб, ниҳоят ўстирилган мўйловни кадрлардан қирқиб ташлашга келишилган.

Уэсли Снайпс

«Блейд 3» фильмида актёр режиссёр Дэвид Гойер билан келишмовчиликка учраган. Суратга олиш қийин кечган бир вақтда актёр режиссёрни тинглашни ҳам хоҳламаган. У муҳим саҳна учун кўзларини очишни илтимос қилганда, Снайпс рад этган. Натижада юздаги ифодани компьютер графикаси ёрдамида чизишга тўғри келган.

Николас Кейж

Актёрнинг елкасида татуировка бўлиб, 2007 йилда суратга олиш ишлари бошланганда, уни қандай бўлмасин яширишга тўғри келган. Бу вақтда унинг елкасига бирор кийим ташлаш саҳнага тўғри келмаган. Шунинг учун ҳам татуировка компьютер ёрдамида ўчирилган. Кейинчалик актёрнинг мушаклари ҳам графика ёрдамида ясалгани ҳақида миш-мишлар пайдо бўлган, аммо Николаснинг ҳамкасблари ҳаммаси ҳаққоний эканини маълум қилган.

Скарлетт Йоханссон

Актриса учун «Зирҳдаги арвоҳ» фильмида кўпроқ шарқона хусусиятлар ўйлаб топилган. Бу эса йирик тасвирларда яққол намоён бўлган.