Кучли ва митти: Sony Xperia Compact’нинг қайтиши борасида янги маълумотлар пайдо бўлди

Sony Xpreia Compact қурилмаси февраль ойида тақдим этилиши кутилмоқда. Унинг савдолари эса баҳордан бошланади, деб хабар беради Hi-Tech.Mail.ru.

Узоқ вақт смартфонлар бозорида ихчам моделларга «кичик» версиялар сифатида қараб келинган ва улар кучсизроқ процессорга эга бўлган ҳамда арзон материаллардан тайёрланган.

Sony компанияси ушбу тенденцияга риоя қилмаган ҳолда 10 йил давомида техник жиҳатдан флагманларга хос Xpreia Compact линейкасини тақдим этиб келди. Бироқ қайсидир вақт катта ўлчамдаги смартфонларга бўлган талаб трендга айланиб кетгани сабаб японлар сўнгги ХЗ2 Compact’ни 2018 йилда ишлаб чиқарган.

iPhone 12 mini’нинг муваффақияти Япония корпорациясини ўз қарорини қайта кўриб чиқишга мажбур қилган бўлиши мумкин. Engadget’нинг ёзишича, Sony яна кичик ўлчамли Xperia’ларни ишлаб чиқаришни бошлайди.

https://twitter.com/engadget/status/1353417722756001794

Инсайдерлик маълумотларига кўра, ўлчами 140х68,9х8,9 миллиметр бўлган девайс 5,5 дюмли экран, орқа панелида иккита камера (улардан бири — 13 мегапиксел) ва 8 мегапикселли селфи-камерага эга бўлади, шунингдек, у наушниклар учун мўлжалланган 3,5 миллиметрли разёмни сақлаб қолади.