Ўзбекистонда ялпи ички маҳсулот (ЯИМ) ҳажми 580,2 триллион сўмни ташкил қилди, дея хабар қилмоқда Давлат статистика қўмитаси.
Қўмита маълумотларига кўра, 2020 йилда 2019 йил билан солиштирганда ўсиш 1,6 фоизни ташкил қилган. Маҳсулотларнинг қиймати 341,5 триллион сўм, хизматлар эса 194,4 триллион сўмни, шунингдек, солиқлар 44,3 триллион сўмни ташкил қилди.
Аҳоли жон бошига ҳисобланган ЯИМнинг ҳажми 16,9 миллион сўмни ташкил қилган. Бу 2019 йилгига қараганда 0,3 фоизга камайди.
Эслатиб ўтамиз, Ўзбекистоннинг ялпи ички маҳсулоти 2020 йилнинг тўққиз ойи давомида 0,4 фоизга ўсганди. Шунингдек, Жаҳон банки 2021 йилда Ўзбекистон иқтисодиёти 4,3 фоизга ўсишини прогноз қилди. Ўзбекистон эса 2021 йилда иқтисодий ўсишни 5,1 фоизга етказишни кўзламоқда.
Изоҳ (0)