S7 компанияси Россияда шахсий мақсадларда йўловчи самолётларини брон қилиш сервисини ишга туширди. Ҳаво кемасини уйдан чиқмаган ҳолда, оддий онлайн рўйхатдан ўтиш орқали амалга оширса бўлади, деб ёзади Motor.
S7 Select сервиси 96 кишига мўлжалланган шахсий парвозлар учун самолётни брон қилиш имконини беради. Айни вақтда шахсий парвозлар учун Airbus А319 Extra Edition самолёти мавжуд бўлиб, унинг бизнес-классига 24 нафар йўловчи, эконом-класс — 72 йўловчи сиғади. Самолётни брон қилиш учун йўналиш, сана, шунингдек, хизмат кўрсатиш классини танлаш лозим. Бундан ташқари, аризани расмийлаштириш вақтида йўловчининг шахсий маълумотларини киргизиш ҳамда тўловни амалга ошириш керак бўлади.
Парвознинг умумий қийматини ҳисоблашда йўналиш, йўловчилар сони, хизмат кўрсатиш класси, шунингдек, ёқилғи ва аэропортда туриш харажатлари ҳисобга олинади. Шу сабабли парвоз қиладиган одамлар сони қанча кўп бўлса, саёҳат шунча арзонга тушади.
Онлайн аризани амалга ошириладиган парвоз кунидан камида беш кун олдин бериш керак. Анъанавий парвозлар каби барча йўловчилар бир сутка олдин маршрут квитанцияларини олади, аэропортда эса уларни одатдагидек рейсга рўйхатдан ўтказиш жараёни кутиб туради.
Ҳозирча «авиакаршеринг» хизматларидан фақат Россияда фойдаланиш мумкин. Шу билан бирга, шахсий парвозлар битта томонга ва Москвадан учиш орқали «бориш—қайтиш»га мавжуд. Кейинроқ парвозлар географиясини кенгайтириш режалаштирилган.
Мавзуга доир: «Победа» авиакомпаниясининг Москвадан Москвага рейси чипталари 6 дақиқа ичида сотилиб кетди
Изоҳ (0)