Нидерландияда 2011 йили буюртма асосида йиғилган ноёб Maybach 57S купеси сотувга қўйилди. Auto Leitner дилерининг Instagram ва Facebook’даги саҳифаларида ёзилишича, ушбу моделни ливиялик инқилобчи Муаммар Каддафи буюртма қилган, деб ёзади Motor.
Дилер эксклюзив Maybach 57S учун 961 950 евро сўрамоқда. Икки хил оригинал ранг ва ёрқин сариқ рангли чарм салонга эга купе 612 от кучини тақдим этишга қодир V12 моторли стандарт Maybach 57 базасида яратилган. Сотувчининг таъкидлашича, 2011 йилдан буён автомобиль 2300 километр йўл босган.
Айрим маълумотларга кўра, номида S қўшимчасига эга «ўқланган» версиялар бошқа ательелар томонидан ишлаб чиқарилган (масалан, Xenatec) ва уларнинг дунёда 10—20 нусхаси бор холос.
Facebook фойдаланувчилари эълондаги машинанинг олд ўриндиқларига эътибор қаратиб, автомобиль ростдан ҳам 3 минг километрдан камроқ йўл босганига шубҳа билдирган. Шунингдек, автомобиль Каддафи учун йиғилгани ҳам турли саволларни юзага келтирган.
2012 йилда Maybach алоҳида мустақил бренд бўлишдан тўхтаган. Марканинг тугатилишига унинг машиналарига Rolls-Royce ва Bentley’га қараганда талабнинг камлиги сабаб бўлган. 2014 йилда Maybach Mercedes-Benz’нинг бўлинмаси сифатида қайта фаолият бошлаган. Ўшанда бозорда Mercedes-Maybach S600, орадан беш йил ўтгач, Mercedes-Maybach GLC пайдо бўлган.
Изоҳ (0)