Harris Poll таҳлилий агентлиги Cadillac буюртмасига асосан АҚШ аҳолисининг неча фоизи механик узатмалар қутисига эга автомобилни бошқаришга қодир эканлигини аниқлаш мақсадида тадқиқот ўтказди. Йўл-йўлакай америкаликлар бу турда бошқариладиган машиналарга муносабатини ҳам сўзлаб берган, деб ёзади Motor.
Маълум бўлишича, сўровда иштирок этган америкаликларнинг 66 фоизи учта тепкига эга машинани бошқара олишини таъкидлаган. АҚШнинг 55 фоиз аҳолиси механик узатмалар қутисида бошқариладиган автомобилга эгалик қилганини билдирган. Айни вақтида эса респондентларнинг 30 фоизигина «механика»га «жуда қизиқишини» билдирган, холос. Сўровдаги ҳар етти нафар иштирокчидан бири ҳеч қачон бу каби машина бошқаришни хоҳламаслигини маълум қилган.
Harris Poll мутахассислар сўровномани онлайн равишда тўрт мингдан ортиқ катта ёшдаги америкаликлар орасида ўтказган бўлиб, тадқиқот муаллифлари респондентларнинг жинси, ёши ва ижтимоий мавқейига қараб уларнинҳ фикрини билишга уринган.
Сўров иштирокчиларининг 60 фоизга яқини механик трансмиссияга яхши муносабатда бўлган ва шу каби автомобилни харид қилиш ёки узоқ муддатга ижарага олиш имкониятини истисно этмаган. Бу Cadillac учун яхши янгилик бўлиши керак, чунки сўров компания раҳбариятига 6 поғонали механик узатмалар қутисига эга янги CТ4-в ва CT5-V Blackwing седанларига бўлган қизиқишни асослаб бериш учун буюртма қилинган. Яна бир ижобий рағбат: «механика»га бўлган қизиқиш асосан 18—34 ёшли аҳоли ўртасида кузатилган.
Изоҳ (0)