Хитойнинг марказий қисмида, Сянсзян дарёси қирғоқларида жойлашган Чанша шаҳрида ҳам қуруқликда, ҳам сувда йўловчиларни ташишга қодир автомобиль ҳаракатланишни бошлади, деб хабар беради «Hi-Tech.Mail.ru».
Эълон қилинган суратлардан кўриш мумкинки, амфибия-автобуснинг сув йўли махсус тўсиқ билан чегараланган, бу ҳаракатга халақит бериши мумкин бўлган бошқа объектлар билан тўқнашишнинг олдини олиш мақсадида амалга оширилган. Таъкидланишича, ноодатий транспорт воситаси туристларга жуда маъқул келган, шу сабабли ҳозирда ундан йўловчиларни мунтазам ташишда эмас, балки экскурсиялар мақсадида фойдаланилмоқда.
Шунга қарамай, ноодатий транспорт воситасидан фойдаланиш келажакда йўлларда вазиятни сезиларли даражада яхшилаш, тирбандликлар олдини олишга хизмат қилиши мумкин. TomTom Index рейтинги маълумотларига кўра, Хитойдаги 20 дан ортиқ аҳоли яшаш пунктлари дунёнинг тирбандлик даражаси энг юқори бўлган шаҳарлари сирасига киради.
Аввалроқ италиялик дизайнерлар бортига Tesla пикапи сиғадиган 25 метрли катамаран-амфибия лойиҳасини тақдим этгани, россиялик блогерлар Lada XRay автомобилини сувда сузишга мослаштиргани тўғрисида хабар берилганди.
Изоҳ (0)