Бугун,

  • USD 11095.31
  • RUB 173.84
  • EUR 10772.44

Бош вазир Садир Жапаров бошчилигидаги Қирғизистон ҳукумати унинг муддатдан аввалги президент сайловларида ғалаба қозонганидан сўнг истеъфога чиқди. Президент вазифасини бажарувчи Талант Мамитов тегишли фармонни имзолади, деб хабар бермоқда «РБК» давлат раҳбари сайтидаги маълумотга таяниб.

Фото: «РИА Новости»

Фото: «РИА Новости»

Қайд этилишича, 20 январь куни бўлиб ўтган президентлик сайловлари натижалари расман эълон қилингандан сўнг Жапаров бош вазир лавозимидан кетиш тўғрисида ариза топширган.

Вазирлар Маҳкамаси аъзолари янги ҳукумат тузилгунча ўз вазифаларини бажаришда давом этади. Унгача Қирғизистон бош вазир вазифасини бажариш бош вазир биринчи ўринбосари вазифасини бажарувчи Артём Новиковга юклатилган.

Қирғизистонда муддатдан олдин президент сайловлари 10 январь куни бўлиб ўтди. Давлат раҳбари лавозимига 17 нафар номзод давогарлик қилди. Октябрь ойидан бери ҳукуматни бошқарган Садир Жапаров рақибларидан анча устун келди. Уларнинг аксарияти 2 фоиздан кам овоз олган.

Президент сайлови билан бирга мамлакатда бошқарув шаклини ўзгартириш бўйича ҳам референдум бўлиб ўтди. Референдум иштирокчиларининг 80 фоиздан ортиғи президентлик республикаси учун овоз берди.

Муддатидан аввалги президент сайловлари 2020 йил октябрида, парламент сайловларидаги эҳтимолий қоидабузарликлар сабаб бошланган тартибсизликлар туфайли аввалги давлат раҳбари Сўронбой Жээнбеков истеъфо бергач эълон қилинган эди.

Аввалроқ Шавкат Мирзиёев Садир Жапаровни Қирғизистондаги президентлик сайловларида қозонган ғалабаси билан табриклагани, Садир Жапаров Россияни Қирғизистоннинг бош иттифоқдоши деб атагани ҳамда Жапаров Қирғизистонда рус тилининг расмий мақомини сақлаб қолишга ваъда бергани ҳақида хабар берилганди.

Изоҳ
Asosiy yangiliklar
Маҳаллий
Ўзбекистонда бензин нархларини сунъий оширган АЁҚШларга тегишли чора кўрилиши маълум қилинди
Дунё
Арманистонда 25 минг инсон умрига зомин бўлган зилзила, Япониянинг Перл-Ҳарборга ҳужуми ва Жанубий Корея қамоқхонасида 40 йил ўтирган КХДР фуқароси. Кун хронология...
Спорт
ЖЧ—2022 да барча чорак финал жуфтликлари маълум бўлди