Bugun,

  • USD 11095.31
  • RUB 173.84
  • EUR 10772.44

Qirg‘izistonda saylovlar va referendumlar o‘tkazish bo‘yicha Markaziy saylov komissiyasi (MSK) 18 kishini respublika prezidenti lavozimiga nomzod sifatida ro‘yxatga oldi, deb xabar bermoqda “TASS” MSK matbuot xizmatiga tayanib.

Foto: Freepik

Foto: Freepik

Nomzodlar ro‘yxatida “Butun Qirg‘iziston” partiyasi yetakchisi Adaxan Madumarov, sobiq mamlakat prezidenti vazifasini bajaruvchi Sadir Japarov, Milliy xavfsizlik davlat qo‘mitasi sobiq rahbari Abdil Segizbayev, parlament deputati Kanibek Imanaliyev ham bor. Qirg‘izistonda muddatidan avvalgi prezident saylovlari 2021-yil 10-yanvarga belgilangan.

Dastlab o‘z nomzodini qo‘yishi haqida MSKga 63 kishi murojaat qilgan, ammo ulardan 20 nafarigina 30 ming saylovchidan imzo yig‘ishga va 1 million som (12,5 ming dollar) garov puli berishga muvaffaq bo‘lgan. Ikki nafar nomzod to‘plagan imzolar esa MSK tomonidan haqiqiy emas deb topildi.

Prezidentlikka nomzodlar 15-dekabrdan tashviqot ishlarini boshlaydi.

Eslatib o‘tamiz, Qirg‘izistonda 4-oktabr kuni parlament saylovi bo‘lib o‘tdi. Markaziy saylov komissiyasining dastlabki ma’lumotlariga ko‘ra, parlamentda deputatlik o‘rniga ega bo‘lish uchun zarur bo‘lgan yetti foizlik dovondan to‘rtta partiya o‘ta oldi.

Saylov natijalaridan norozi bo‘lgan minglab kishilar 5-oktabr kuni namoyishga chiqdi. Namoyishlar tartibsizlikka aylanib ketdi, tartibsizliklarda bir necha yuz kishi jarohat oldi, bir kishi vafot etdi. Namoyishchilar mamlakat parlamenti va prezident administratsiyasi joylashgan binoni egallab oldi, shuningdek, mamlakatning sobiq prezidenti Almazbek Atambayev va sobiq bosh vazir Sapar Isakovni qamoqdan ozod qildi. Qirg‘iziston Markaziy saylov komissiyasi 6-oktabr kuni parlament saylovi natijalarini haqiqiy emas deb topdi.

15-oktabr kuni So‘ronbay Jeenbekov Qirg‘iziston prezidentligi lavozimidan iste’fo berganini e’lon qildi. U bosh vazir Sadir Japarov va boshqa siyosatchilardan o‘z tarafdorlarini poytaxtdan olib chiqib ketishni so‘ragan va ulardan bishkekliklar tinchligini buzmaslikni iltimos qilgan. 16-oktabr kuni parlament majlisida Qonunchilik kengashi spikeri Kanat Isayev davlat rahbarining vazifalarini vaqtincha bajarishni rad etgan. Yakunda bosh vazir Sadir Japarov prezident vazifasini bajaruvchiga aylandi.

U mamlakat rahbari vazifasini bajaruvchi vakolatlarini 15-noyabr kuni topshirdi. Qirg‘izistonda muddatidan oldingi prezidentlik saylovlari 2021-yilning 10-yanvarida bo‘lib o‘tadi.

Izoh
Asosiy yangiliklar
Dunyo
Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi
Sport
A Seriya. Eldor Shomurodovning debyut o‘yinida “Spetsiya” o‘zida “Napoli”ga yirik hisobda yutqazdi
Dunyo
Marsdan ham sovuqroq: AQSHda havo harorati tarixiy rekordni yangiladi (video)