Фото: Машҳурликда ота-онасидан ўта олмаган юлдузлар

Машҳурларнинг фарзандлари икки тоифага бўлиниши мумкин. Бири касб борасида ота-онасининг изидан боришни абзал биладиганлар, иккинчиси эса карьера қилиш учун бошқа бир соҳани танлайдиганлар. Касб танлашда ота-онасидан намуна олган, аммо улардек муваффақиятга эриша олмаган юлдузлар ҳақида маълумот бериб ўтамиз.

Энрике Иглесиас

Дебют альбоми 6 миллион, кейин эса 23 миллион нусхада сотилган, альбомидаги қўшиқлар ҳам чартда юқори ўринларни қайд этган. Бу натижалар отаси қўлга киритган натижалар олдида ҳеч нарса эмас. 77 яшар хонанда 300 миллион нусхада ситилган пластинкалари ва Гиннеснинг рекордлари китобидан ўрин олгани билан мақтаниши мумкин. Шунингдек, 80 дан ортиқ альбомни Хулио 14 хил тилда ёзган.

Колин Ханкс

Том Ханкснинг ўғли «Декстер», «Фарго» сингари фильмларда роль ўйнаганига қарамай, отасидек машҳурликка эришишига ҳали бор. Том 39 ёшида «Филаделфия» фильмидаги роли учун «Оскар» мукофотига лойиқ деб топилган. Кейинги йили «Форрест Гамп» фильмида суратга тушгани унга яна бир «Оскар» олиб келган. Шундан кейин 4 марта «Оскар»га, шунингдек, 8 марта «Олтин Глобус»га лауреат бўлган ва 4 маротаба ушбу мукофотни қўлга киритишга муваффақ бўлган. Бу ҳали ҳаммаси эмас. Голливуд юлдузининг 13 маротаба Эмми мукофотига номзоди қўйилган ва уларнинг олтитасида ғолибликни қўлга киритган.

Эва Амурри

Сюзан Сарандоннинг 35 ёшли қизи карьерасини ҳам онасиникичалик муваффақиятли деб бўлмайди. Бир қанча таниқли лойиҳалар, хусусан, «Доктор Хаус»да суратга тушганига қарамай, етарлича шон-шуҳратга эришмаган. Актрисаликдан ташқари, суратга тушгани ва блог юритгани ҳам унга ёрдам бера олмаган. Онасида эса исталган америкалик актриса ҳавас қилиши мумкин бўлган натижа бор. У тўрт марта «Оскар» мукофотига номзод бўлишга ва бир маротаба мукофотни қўлга киритишга улгурган.

Румер Уиллис

32 яшар актриса ўнлаб фильмларда роль ижро қилганига қарамай, арсеналида мақтанишга арзигулик рол деярли йўқ. Ундан фарқли ўлароқ, ота-онаси Деми Мур ва Брюс Уиллис машҳурлик бобида етакчи бўлган ва ажрашганига ҳам қарамай, таблоидлар собиқ жуфтликнинг шахсий ҳаёти ҳақида ёзишдан тўхтамайди. Уч фарзанднинг каттаси бўлган Румер, 2015 йилда «Юлдузлар билан рақс» телешоуда иштирок этганидагина танилган. Унинг икки синглиси эса касб борасида ота-онасининг изидан кетишни истамаган.

Якоб Дилан

Якоб берган интервьюларидан бирида журналистлар суҳбат чоғи унинг ўзидан кўра отаси ҳақида кўпроқ савол беришини маълум қилган. Нобель мукофотига сазовор бўлган Боб ўғли учун намуна бўлган. Кичик Дилан The Wаllflowers гуруҳининг аъзоси бўлган вақти 1996 йилда альбом тўрт миллион нусхада сотилганига қарамай, шундан кейин пичоққа илинадиган натижа қайд этмаган.

Келли Осборн

Келли ва унинг отаси Black Sabbat гуруҳи солистининг ютуқларини солиштириш унчалик тўғри бўлмайди. Аслида Келлининг танилишига ҳам отаси сабабчи бўлган. У МТV каналида «Осборнлар оиласи» шоусида иштирок этган. Шундан кейин икки марта альбом чиқарган, кинода суратга тушган, аммо буларнинг бари бесамар кетган.

Меми Гаммер

Мерил Стрипнинг қизи бўлишнинг ўзига яраша ютуқлари ва абзалликлари бор. Уйдан чиқмасдан туриб актёрлик маҳоратига эга бўлиш ижобий томони ҳисобланса, карьера борасида 19 марта «Оскар»га номзод бўлган актриса билан солиштириш ва таққосланиш салбий томони ҳисобланади. Ҳамиша фаол экани, «Яхши аёл», «Ҳақиқий изқувар» ва шунга ўхшаш машҳур сериалларда эпизодик роллар ижро қилганига қарамай, унинг қўлга киритган натижалари билан онасиники ўртасида ер билан осмонча фарқ бор.

Шон Леннон

Жон Леноннинг ўғли интервьюларидан бирида, нима қилишидан қатъи назар, ижтимоий тармоқ фойдаланувчилари уни отаси билан таққослаши ва ўзи ҳақида нотўғри хулосага келишидан нолиган. Аслида Шон ҳам ижод қилишдан тинадиганлардан эмас. У продюсерлик, мусиқа ёзиш билан шуғулланиш билан бирга, экофаол ҳам ҳисобланади. Аммо шунда ҳам мухлислар унда отасини кўришга уринади ва ундай бўлиб чиқмаса, ҳафсаласи пир бўлади.

Патрик Шварценеггер

Патрик ҳам машҳурлик борасида отасининг соясида қолганлардан. «Темир Арни»нинг 27 яшар ўғли ҳам ўзини ижодда синаб кўрганига қарамай, етарлича муваффақиятга эришмаган. Сариқ матбуотдан унинг номи тушмаслигига ҳам нимагадир эришгани эмас, Голливудни забт этган Шварценеггернинг ўғли экани сабаб.