Film va seriallarda urush hamda jang sahnalarini dublyorlar ijro qiladi va qon hamda jarohatlarning hammasi pardoz bo‘ladi, deb o‘ylaganlar fikri quyidagi ma’lumotlardan keyin o‘zgarishi aniq.

Tom Kruz

Foto: Cosmopolitan

2018-yilda taqdimoti bo‘lib o‘tgan “Uddalab bo‘lmas topshiriq” filmining oltinchi qismida aktyor tomdan boshqa bir tomga sakrayotganida oyog‘i bilan devorning tepa qismiga urilgan. Og‘riq kuchli bo‘lishiga qaramay, mahoratli Tom rol ijro qilishda davom etgan.

Leonardo Di Kaprio

Foto: Cosmopolitan

“Ozod Jango” (2012) filmining suratga olish jarayonida aktyor mushti bilan stol ustiga urgan. Shundan keyin ssenariyga kiritilmagan holat yuz bergan: musht zarbidan stakan singan va uning parchasi Leoning qo‘lini kesib yuborgan. Di Kaprio ham Tom Kruz singari og‘riqqa qaramay, ushbu sahnani oxirigacha o‘ynagan. Ammo aynan shu sahna filmni yanada yaxshi chiqishiga sabab bo‘lgan.

Viggo Mortensen

Foto: Cosmopolitan

“Uzuklar hukmdori” (2001) filmining birinchi qismida Aragorn,  Legolas va Gimlining boshqa qahramonlarni o‘ldi deb o‘ylaydigan epizod bor. Sujetga ko‘ra, Mortensenning qahramoni Aragorn g‘azablanganidan shlemini yerga tashlaydi. Ushbu sahna bir necha marta suratga olingan, ammo rejissorning ko‘ngli to‘lmagan. So‘nggi urinishda Viggo shlemini kuch bilan tashlaganidan oyog‘ini ikki barmog‘ini shikastlab olgan. Ushbu haqiqiy emotsiyalar esa filmdan o‘rin olgan.

Xarrison Ford

Foto: Cosmopolitan

Aktyor “Qochoq” (1993) filmida sujetga ko‘ra o‘rmon orqali qochishiga to‘g‘ri kelgan va aynan shu vaqtda oyog‘ini qayirib olib, payi uzilib ketgan. Shunga qaramasdan, shifoxonaga borish o‘rniga u rolini oxirigacha ijro qilgan.

Diana Kruger

Foto: Cosmopolitan

“Sharafsiz vahshiylar” (2009) filmida Kristofer Valts ijro qilgan ofitser, Diana Kruger gavdalantirgan qahramon Brijitni qarshi tomonga ishlashini bilib qolganidan keyin uni bo‘g‘ishi aks etgan sahna bor. Aslida esa ishonarli chiqishi uchun aktrisani film rejissori Kventin Tarantinoning o‘zi bo‘g‘gan. Shu sabab ham Diananing emotsiyalari haqiqiy chiqqan.

Silvester Stallone

Foto: Cosmopolitan

“Rokki-4” (1985) filmida Silvester, Dolf Lundgrendan uni ringda kuchliroq urishini so‘ragan. Dolf rozi bo‘lgan va uch marta qattiq urgan. Shundan keyin Stallonening nafasi qisib, ko‘krak sohasida og‘riq paydo bo‘lgan. U sahnani ijro qilib bo‘lganidan keyingina shifoxonaga borgan. Lundgren shunchalik zarb bilan urganidan uning yuragi jarohatlangan bo‘lgan.

Martin Shin

Foto: Cosmopolitan

“Apokalipsis bugun” (1979) filmida mast holdagi qahramonning mehmonxona ichidagi sahnasi bor. Suratga olish jarayonida Martin rolga berilib ketganidan oynani urib, qo‘lini kesib olgan. Keyin esa xona bo‘ylab, hamma yerni qon qilib yugurib yurgan. Ushbu sahna filmdan ham o‘rin olgan.