Instagram: Ўзбекистонда фильм ишлаётган Фарҳод Маҳмудов, севган инсонини кўрсатган Ойдин Юсупова, ички овозига қулоқ тутаётган Лола

Жаҳон ва ўзбек шоу-бизнеси вакилларининг яқин соатларда Instagram саҳифаларига жойлаган фото ва видеоларини эътиборингизга ҳавола этамиз.

Қизиқчи Ҳалимахон турмуш ўртоғининг таваллуд куни билан табриклаб, «Боримни ҳам, йўғимни ҳам борича қабул қилган болаларимнинг дадаси» дея пост қолдирди.

Сардор Раҳимхон навбатдаги пости орқали хайр-эҳсоннинг нақадар савоби улуғлиги ҳақида айтиб ўтди ва билганларини кузатувчилари билан бўлишди.

Хонанда Лола инсон ички овозига қулоқ солиши ва у ҳеч қачон алдамаслиги ҳақида мулоҳаза юритди.

Умидахон тилни тийиш ҳақида мулоҳазали пост жойлаб, барчага хайрли кеч тилади.

Актриса Шаҳзода Муҳамедова турмуш ўртоғини таваллуд куни билан қутлади. Сафардан соғ-омон етиб келишини тилади.

Шаҳло Аҳмедова «Дарё» деб номланган янги қўшиқни ижро этди.

Улуғбек Раҳматуллаев негадир «Қирмизи олма» қўшиғини эслади.

Муниса Ризаева янги альбом устида ишламоқда.

Актёр Жавоҳир Зокиров россиялик машҳур актёр Фарҳод Маҳмудов билан тушган суратини жойлаб, у Ўзбекистонда фильм суратга олаётганлигига ишора қилди.

Озода Нурсаидова саҳифасига янги имиждаги суратини жойлаб, мазмунли пост қолдирди. У кузатувчиларига сабрли бўлишни тавсия қилди.

Оилавий сафардан қайтган Зиёда саҳифасига яна Дубайдаги суратларидан бирини жойлади ва кузатувчиларга оила муқаддаслигини эслатиб ўтди.

Актриса Зарина Низомиддинова саҳифасига янги махсус эффектда туширилган суратини жойлади ва изоҳ ўрнига оқ юракча шаклини қолдирди.

Актриса Фаҳрие Эвжен саҳифасига турмуш ўртоғи Бурак ва фарзанди тушган суратни жойлади. Меҳрибон ота ўғлига нималарнидир тушунтирмоқда.

Таниқли турк актёри Мурат Йилдирим рафиқаси Иман Элбани билан тушган сурати орқали мухлисларига хайрли якшанба тилади.

Актриса Ойдин Юсупова севган инсони билан бирга тушган суратини саҳифасига жойлади. Ундан аввалги постларда эса унинг касби ҳуқуқшунос эканлигини ошкор этган эди.

Хонанда Райҳон Ғаниева «Менинг оилам» изоҳи билан пост қолдирди. Унда турмуш ўртоғи, ўғиллари ва яна бир қизча бор.