Instagram: Роналдунинг рафиқаси билан сайр қилган Асал Шодиева, Шаҳзоданинг турмуш ўртоғидан узр сўраган Тимати

Жаҳон ва ўзбек шоу-бизнеси вакилларининг яқин соатларда Instagram саҳифаларига жойлаган фото ва видеоларини эътиборингизга ҳавола этамиз.

Актёр Азамат Аҳроров «Менинг севгилим» номли фильмда Суғдиёна Азимова билан партнёр бўлганлигини маълум қилди. Ёдингизда бўлса улар «Қайсаргинам» фильмида ҳам бирга суратга тушишганди.

Собиқ «Сетора» гуруҳининг аъзоси Лайло сериаллардан бирида суратга тушаётганини маълум қилди.

Хонанда Нигора барчага хайрли кун ҳамда бошланган ҳафта барокатли келишини тилаган. Кузатувчиларига ҳамиша позитив кайфиятда бўлиш лозимлигини таъкидлаган.

Актриса Севара Солиева саҳифасига диний либосда тушган суратини жойлади. Мухлисларидан бирининг «Санъатни тарк этдингизми?» деган саволига «Йўқ, исломий қўшиқлар, саловатлар куйламоқчиман. Боримча ролга таклиф этишса, албатта, ижро этаман» деб жавоб қайтарган.

Мадина Мумтоз отаси вафот этган сана муносабати билан фолловерларидан марҳумнинг ҳаққига дуо қилишни сўради.

Янги альбом учун фотосессия ўтказган Муниса Ризаева суратлардан бирини саҳифасига жойлаб, мазмунли пост  қолдирди.

Нилуфар Усмонова саҳифасига янги суратини жойлади. Кузатувчиларининг кўпчилиги хонанданинг гўзал қомати сири нимада эканлигига қизиқди.

Яқинда турмушга чиққан Ганя Усмонова турмуш ўртоғи билан Ўзбекистон тоғлари бўйлаб  саёҳат қилмоқда.

Актриса ва бошловчи Райҳон Уласенова «Зирапча» кўрсатувининг тўртинчи мавсумига старт берилганлигини маълум қилди.

Режиссёр Жаҳонгир Аҳмедов янги фильм ҳамкорлиги учун Минск шаҳрига йўл олди.

Дубайда Асал Шодиева машҳур футболчи Криштиану Роналдунинг рафиқаси Жоржина Родригес билан ҳайвонот боғида сайр қилганлиги ҳақида строисъда айтиб ўтди.

Актриса Шаҳзода Муҳаммедованинг турмуш ўртоғи Марат Хайруллаевич Дубайда машҳур рэпер Тимати туфайли туғилган кунида кайфияти бузилгани ҳақида сўзлаб берди.

Ушбу постдан сўнг Тимати Марат билан боғланиб, ундан кечирим сўраган.

Юлдуз Усмонова дам олиш учун Дабайга йўл олди. Унга турмуш ўртоғи ва қизиқчи Ҳалима Ибрагимова ҳамроҳлик қилмоқда.